يام الإيمان بالقدر .. بقلمي الفلاح الفصيح.. معوض حلمي

( يام الإيمان بالقدر )

_____________

يابلدنا   شدي الوتر
غني  الكرامه نشيد
يام   الإيمان  بالقدر
شعبك أصيل مايحيد
هى   سحابة   خطر
هتعدي  بكره   أكيد
وأكيد  هاتنزف مطر
وتخلي   حزنك   عيد
والذنب   راح  يغتفر
والإيد    تشد   الإيد
النيه     نية     بشر
إياك    تزيد   وتعيد
الدنيا   فيها   العبر
والعقل برضه مفيد
بعين  ماليها  النظر
دايما تشوف  لبعيد
هانعدي بحر الخطر
بشراع وعزمه حديد
وينام   حدانا  القمر
والحسن فيكي يزيد
يابلدنا  شدي  الوتر
غني  الكرامه نشيد
يام   الإيمان  بالقدر
شعبك أصيل مايحيد

يام   الإيمان  بالقدر
شعبك أصيل مايحيد
_____________
بقلمي ........
معوض حلمي
منشأة بطاش
تمي الأمديد
دقهلية