من طهرك .. بقلمي الفلاح الفصيح .. معوض حلمي

(  من  طهرك  )

______________

ياصبرك
شارب مرار الغلب
من  صغرك
ومن  طهرك
بتروي  زهور
لساك  على  عهدك
مستني  ليل  الضلمه
يطرح  نور
والحلم شقق
في  الأراضي  البور
خايف  تقول  مستور
والفقر  عشش
فوق  سطوح  الدور
واللقمه  بالتيله
البرد بينهش ف لحمك
مفيش حيطان  تمنعه
والبق  نايم  مصاحبك
ريح   الكفاف  جمعه
واتفك  شمل  العيله
عشان   ضمير  البشر
واخد  له ..... تعسيله
سابك   ياعمي  جريح
واقف في  وش الريح
عايش   بدون  تصريح
وتقلت ........ الشيله
رماك في  بحر الخطر
والظلم  زاد   وانتشر
إمتى  الذنوب   تغتفر
والدفا  ........ يسرح
تلقى  العذاب  انطرح
يطرح  في  قلبك فرح
غنوه ......... وضليله

يطرح  في  قلبك فرح
غنوه ......... وضليله
..........................
بقلمي الفلاح الفصيح
معوض حلمي
منشأة بطاش
تمي الأمديد
دقهلية