عارفين بهيه .. بقلمي الفلاح الفصيح .. معوض حلمي

(  بهيه  )

..................

عارفين بهيه
عارفينها  طبعا
بهيه  فلاحه  عفيه
لابسه توبها ومستحيه
عارفينها جوا البيت تقيه
بتصلي لما الفجر يدن

عارفين  بهيه
عارفينها  طبعا
بهيه نسمه ونيه صافيه
زي نور الشمس دافيه
طارحه خضره وخير وعافيه
وف نن عيني جميله جدا

عارفين  بهيه
عارفينها  طبعا
بهيه دي ضد القنابل
واخده صوتها م البلابل
بتنادينا  نقوم  نقابل
ونصد عنها الغدر صدا

عارفين  بهيه
عارفينها  طبعا
بهيه  جامعه  للعلوم
بالعلم قطعا راح نقوم
نفتديها   م  الهموم
ونقول لها ع العهد سمعا

عارفين  بهيه
عارفينها  طبعا
بهيه  واحه  للأدب
ترابها أغلى م الدهب
وضله  تحمينا  التعب
وساقيه تروي قلوبنا شهدا

عارفين  بهيه
عارفينها  طبعا
بهيه ماشيه ع الرموش
أم العيون مابيجرحوش
تبتسم تضحك وشوش
نوهبها روحنا ومالنا طوعا

عارفين  بهيه
عارفينها  طبعا
بهيه زارعه وطارحه فل
تقلب جحيم  الحر  ضل
بهيه دي في الرحله خل
مطبوعه روحها ف روحي طبعا

شايفين  بهيه
شايفينها  طبعا
...........................
بقلمي الفلاح الفصيح
معوض حلمي
منشأة بطاش
تمي الأمديد
دقهلية