( حلق ..... حوش ) بقلمي الفلاح الفصيح .. معوض حلمي

سامحوني
ربنا يبارك للجميييييييييع
والله من وحي الإغتراب
...................................

(  حلق ......... حوش  )

_________________

حلق  حوش ..... حلق  حوش
عشت  ياواد  عبد  الملطوش
بعت  شبابك  بدري   وخيبت
شنبك   عيره  وشكلك   زفت
وتعيش   ليه   سواق  الست
لما  العمر  بيعدي   فاشوش
حلق  حوش ..... حلق  حوش

حلق  حوش ..... حلق  حوش
عشنا  وشوفنا الواد طربوش
قالوا  اتجوز  ستو .... بشيك
وانا مش هارمي العيبه عليك
العيب  على ابوك بيتاجر بيك
والحروفوش  بيجيب حرفوش
حلق  حوش ..... حلق  حوش

حلق  حوش ..... حلق  حوش
إسم  الله  عليه الواد نغنوش
دفعت  مهرك  يابن .... الإيه
جابتلك شيبسي وفرخه باتيه
وجابتلك  يويو  بتلعب ... بيه
سرقت  عمرك   وماعشتوش
حلق  حوش ..... حلق  حوش
...................................
بقلمي الفلاح الفصيح
معوض حلمي
منشأة بطاش
تمي الأمديد
دقهلية