بسم الله أرقيك .. بقلمي الفلاح الفصيح .. معوض حلمي

.....  بسم الله أرقيك  .....

..............................

بسم  الله ........... أرقيك
من  عين  خالك وعين عمك
واعمل  ليله   وادبح   ديك
واحني إيديك  وابوس خدك

بسم   الله  ......... أرقيك
وارش  الملح  في  عنيهم
وابني  لك  قصور   تأويك
عشان    تحميك   بلاويهم

بسم    الله  ........ أرقيك
واداريك   من  عيون  طله
وشايفين والا سحر عينيك
ولا  صلوش  ولا .... مره

بسم  الله .......... ارقيك
وبرمش  العين ... اغطيك
واشيلك  جوا  روح الروح
ولو    مجروح    هاداويك

بسم  الله .......... أرقيك
واضحي  بروحي واحميك
واوصل   نبض    شرياني
بشريانك   عشان   أرويك

بسم  الله .......... أرقيك
واعمل  لك  بدمي حجاب
واكتب   غناوي  .... فيك
تتغنى   في   كل   كتاب

بسم   الله ......... أرقيك
وافتح   لك   بيبان  قلبي
واحسب  صوت  خطاويك
وأموت فيك ومش  ذنبي

بسم   الله ......... أرقيك
واقلع  عين ...... حسادك
وإكتب  شعر ...... يغليك
واكون  قوه ...... لزنادك

...............................
بقلمي الفلاح الفصيح
معوض حلمي
منشأة بطاش
تمي الأمديد
دقهلية