ضمير الفاس .. بقلمي الفلاح الفصيح .. معوض حلمي

....... ضمير  الفاس .......

...............................

أنا  فلاح  ودى ...... بلدي
في  حضن .......... الريف
بحور  الشعر .... عشقانى
وفاكراني  واد ..... حريف
وانا  واحد  على ..... قدي
بادوس على جرحي وبعدّي
وارص  حروفي  من  كدي
ماليش في الغش والتجريح
ولا  فى  البحر  ليا  شراع
انا   راكب   بساط    الريح
لاني صريح  مانيش  خداع
واصيغ  الوصف .... للأيام
واجيب  الكلمه  م  الأحلام
تواسينى ........ وواسيها
واصفيها  من ..... الاوهام
أوضيها  .......... واصليها
عشان  تمشي  بين الناس
تنوب   عني  بلا  وسواس
تكون ............... نبراس
وشرّبت  من  ابويا الكاس
وعلمني   أكون    حساس
وانا   ثابت   على   عهده
ومش  ناسي   عرق  كده
على   جبينه   يزور   خده
بخبطة  ............... فاس
تبوس  الأرض تطرح ماس
وأنا ................... فلاح
وريحة   أرضي   عشقاني
وبتشكل  فى .... بـُنيانى
وعرفاني  أنا  ..... الطيب
باداوي    الجرح   وبطيب
آهات  .............. الناس
وانا  الباني ..... بتحناني
في  ناسي  ...... أساس
أنا   فلاح  ..... ونبراسي
ضمير  ............ الفاس

أنا فلاح  ...... ونبراسي
ضمير ............. الفاس
______________
بقلمي الفلاح الفصيح
معوض حلمي
منشأة بطاش
تمي الأمديد
دقهلية