ديوان رباعيات الفلاح الفصيح .. للشاعر معوض حلمي

ديوان  رباعياتي

ورا   كل   اتنين   حكاوي  .... متعدوش
واحد    آمين    والتاني   حلق  .... حوش
فإياك  تغرك  وشوش ...............  كدابه
تحلف  تحبك  صبابه  لكن  قلوبها  وحوش 

وانا  إسمي  إيه  ، والله  مش .......  فاكر
طول  عمري  شايل  همي  .....  ومسافر
والغربه  كربه  ،  بدلت ..........   حالي
تعبني    ترحالي   ،   والبعد .....   كافر


والسفر  مش   بس   معناه   إنك   تهاجر
ممكن   يجيلك  منهم   كام   سهم   غادر
تصبح  غريب  الدار  والاهل  والمخاليق
وتعيش  غريق  في   وسط   موج   نافر


لاشط   ليك    ولا مرسى   حن   عليك
الهم  راكبك  تايهه   الخطاوي  ماتدليك
مكسور  جناحك ،  بتنادي ........  يابا
والدنيا   غابه   ،   والوحوش   حواليك


الحلم  خاصمك  ومجافيك  أرضك  شراقي
نفسه  يرجع  تاني  ليك   صوت   السواقي
وازاي   يجيك  ،  والروح ........   شتات
والعمر  فات  ،  إيه  اللي ..........   باقي


سعيد   الحال   مش    عاجبه    حاله   وكفر
وفقير  وخالي  البال  راضي   بحلاله  وشكر
والحكمه  بين   ل تنين  بس  العقول   تايهين
طرح  الرضا  فدادين  لو  زان  قلوب  البشر


آن   آوانه   السعيد   وقبره  ....  م  الغالي
وفقير   في   حفره   شريد   والكفن   بالي
مريت  على  القبرين  وبينهم  .... الشارع
نفس  العفن  طالع  م الغالي  .....  والبالي


 يابو  قلب  أخضر  زي   ورق  التوت
حيران   وروحك  تايهه  في   الملكوت
فارد   من    سكوت   الأمنيات   خيمه
تضلل  ع القلوب  الهربانين   م الموت


يابو    قلب   أخضر   وسط   غيط   تفاح
عد  الخطاوي    تلقى   الخطاوي    جراح
وف زحمة  الأفراح  الضلمه  ماليه  قلوب
وحلمك  المصلوب  محتاج  لأرض  براح


يابو  قلب   أخضر   زي   حلم   جميل
سارح  تعد  الخطاوي  وسط  عتمة  ليل
خاصمت  ضي   الشمس  وضاع  نورك
كتبت  سطورك  بدمع  الحزن  والتأوويل


يابو  قلب   أخضر  زي   عود   نعناع
الصبح  كبر   والشمس   باعته   شعاع
يدفي  وش  الأرض  ويحضر  العصافير
والنوه  تصبح  خير وقلوبنا  مدا  شراع


يابو   قلب   أخضر   زي   كلمة .. حب
غنى  ناي  الشوق  فتح  الجراح  ف القلب
شايل  هموم  الخلق   وراضي   بالمكتوب
دايما  تبات  مغلوب  ودمع  عينك   صب


 أمرت  سن  القلم  يكتب  حروف  ع الكيف 
لقيت   قوام   القلم  زعق   وقال   يالطيف
ليه   الدموع    وافيه   زي   سيل   الندى 
وإزاي  حياتكم  كدا عايشينها  رغم  الزيف ..


 أنا  وانت  وهو .................. وهيه
يالا  نصفي  مابينا  ........... ...النيه
نبدأ  شهر  كريم  ............  نتصالح
يالا  نسامح  بعض .............. شويه


باب  وعليه  حسنات  .......... بالكوم
يعني  نجاهد  روحنا  .........  نصوم
عن  أعراض  الناس  .........  ونخلي
يعني  نصلي  الليل  ...........  ونقوم


تمم  جمال  خلقتك  زينها.......  بالأخلاق
حافظ  على  سمعتك  واحضنها  بالأشواق
وإن  شوفت  مره  عليل   خليك   مداوي
إفرد  ومد  الخطاوي ،  وطمن   المشتاق


ثابت  على   مبدأي   ماسك   على  ديني
النخوه    من   مبدأي   والعفه    تكويني
ومهما  مال  الشين  وشان  بغدره  الفضا
هابدر  تقاوي   الرضا   تطرح   فداديني


جابر   قلوب    الناس    للجنه    ترحالك
قلبك  نزف  إحساس  عزف  الوتر  حالك
إزاي   بقيت   زواد   متين   كما  الأوتاد
وازاي    قليلك   زاد   والمره    تحلالك


حاسب  على  خطوتك  وامشيها  بالمعدول
داري  على  شمعتك  واسرجها  بالمعقول
إياك  تعيش  عاله  أو  ع البشر   تتعالي
عيش  الحياه  حاله  وإياك  تعدي  أصول


خد  لك  عظه  م الطير  م القش  باني  صروح
لو  شاف   وليفه  أسير   يبات  جريح  الروح
فابدر   نسيمك   عليل    وداوي   حر   الشرد
خليك   كما   الورد  ،  بيزين   جماله   الدوح


درويش  وحابس  مطامعي  باتبع  صلاتي  وآذاني
الطيبه   عرفي   وطبعي  باسامح   اللي   آذاني
طمعان   انول   الشفاعه   واشوف  بعيني  النور
واعدي  الصراط  مجبور  للجنه  ينطق  ميزاني


ذكري  في حب  السلف  واتقصى  أخبارها
لا غاوي   دنيا  التلف   ولا اتكوي   بنارها
وأعيش   وتاجي  الشرف  حكمتي  وسعدي
ويجي  بعدي  الخلف  أكشف  له  أسرارها


راوي   الأراضي   غنا    وقلبي     مجدافي
والطير   ماليه    المنى    ع النيه    بيصافي
والدود  ف بطن  الحجر  عايش  برغم  الخطر
شوف    لما   ينزل   مطر   الزرع    بيوافي


زايغه  عينيك   ويا قلبك   زارع  بشرك  غيطانك
إلحق  وتوب  قبل  قبرك  إغسل  بدمعك  حيطانك
شوف   المواعظ   ونقي    أي   المواعظ   تفيدك
قوم   فك   قيدك   ،   والعن   وساوس   شيطانك


سالت    دموعي    سيل    وشقت    الخدين
وازاي  شيطاني  عويل  خلاني  م  العاصيين
سألت   شيخ   في   البلد   عن  نيه   معطوبه
قال   لي   بيبان    التوبه   مفتوحه    للتايبين


شربت  من  زمزم  طوفت ........ وسعيت
وروحت  لبقيع  الغرقد  زرت ..... ودعيت
مريت  على   الروضه   بين  المقام والمنبر
بالمسك   والعنبر  عطرت   روحي  وجيت


صايم  وقلبي  عفيف  قايد ........  قناديلي
أضحك   والآقي   الضيف  وافرد  مناديلي
والنخوه  غيه   وكيف   باعشقها  وتساعني
وان  ميلت   تمنعني   وابعد ......  تناديلي


ضهر  الأصايل  لناسها  عاليه .... نواصيها
إفحر  لدارك  أساسها  واختار ....  نواصيها
حاجي  عليها  وربي  العيال ...... ع الجمال
عشان  تنول  الكمال ، تعلى ....... نواصيها


طبطب    بإيد   الحنان    واحسب    حسابك
إعدل   كفافي  الميزان   سيب   اللي   سابك
خليك   لطيرك   أمان   هنن ........  ودادي
وإياك   تهادي   اللي   خان   أو  مره  عابك


ظابط  إيقاع   رحلتك   وكنيتك ......   إنسان
ماشي   ببياض    نيتك    هاتعدي   بر  أمان
إياك   تشوف  اللي   مال  وتميل  على  ميله
دا  الزرع   من   كيله  ولكل   غيط   عنوان


عارف  بحورك  غريقه  ولا حد  بل الريق
رغم  النوايا  البريئه  مالكش  فيها  صديق
شايل  هموم  فوق  همومك  ومفارق  اللمه
طبع الأسى  غمه ، بيفرق ....... المخاليق


غزلك  راميه  في  البحر  بس  السمك  مجا فيه
وازاي   هاتدفع   مهر   للي   هواك    مجافيه
وليه    تعيش    العمر   عقلك    ماليه    البدع
مش  كنت  يابني  جدع   حتى  الودع   مجافيه


فايت  ظنون  الخلق  بنيت  لي  بيت  وأساس
رغم  المرار  في  الحلق  باواسي  هم  الناس
وأنام   على   فرشتي  مرتاح   وخالي   البال
أصل  الوفا  سلسال   فاق   الدهب   والماس


قامت   قيامة   الروح    وهمومنا    ماتعدش
صوتي   اتنبح   م النوح   والجرح   مابلمش
قالوا  البلايا   عطايا   واسأل    قتيل  الديب
جرح   القلوب    بيطيب   أصبر   وماتكلش

كفياك  ياخلي  فتور  ، وكفايه   نوم   وسكوت
إطلع  وشوف  النور ، الضلمه   توهه   وموت
وإياك  تسيب  الغنم ، ترعى  في  غيط  الديابه
لو   دنيتك   غابه   ،   قوم   عيشها   بالنبوت


لجم   وساوس   شيطانك  ،  وإياك  من  الكداب
راعي   سنابل  غيطانك  ،  واحميها   م اللبلاب
قبل  الطريق  إختار  صديقك ،  واتحرى  فصله
دا  الفرع   بيرجع  لأصله ، زي  الطباع  غلاب


محمد   أحمد   ومحمود  شفيعنا   يوم  العرض
القدس  مهد  الجدود  في  إيدين  كلاب  الأرض
وازاي   ننول   الشفاعه   ورباط   قلوبنا   هش
سهم   الخيانه   خش  ، شق  الضلوع  بالعرض


نافر  من  المكتوب  ،  رافض   لحكم   الله
الضر  طال  أيوب ، من  بعد  صحه  وجاه
لاعمره  كان  آواه ، ولا قال   يارب  الشفا
بحكم    ربه   اكتفى  ،  صبر  على   بلواه

هاجر   بشوقك   للسما   واكتم  .....   جروحك
لو  صاب  عيون  الناس  عمى  تهدم  صروحك
في   العين   رصاصه   مجهزه   بسهم   الحسد
والسهم   راشق   في   الجسد   بيشق    روحك


وهمك  مسافر  معاك   والريح   معاند   قلوعك
الحلم  ضاع  وياك  والمرسى  رافض  رجوعك
ليه   تزرع   بفاسك  أرض   مش  .... أرضك
قوم  صلي   فرضك  واعلن  لها ...   خشوعك

يوم ماصبح العشم  ، حبة كلام .... وخلاص
الكدب  ساق  الغشم ، قوم  سميناه   إخلاص
ورجعنا  عيبنا  الزمن  ،  قولنا  عليه  إندفن
وإحنا  إللي  صابنا  العفن  جيبنا  الكفن  وخلاص


ياضيفنا  ليه  الركايب  ،  وليه  هلالك   مفارق
وازاي  تسيب الحبايب ، والبال  ماهوش  رايق
أمانه   وانت   مسافر   ،   ترفعنا    بالحسنات
وسيب  لنا  النفحات  ،  تجمع   قلوب  الخلايق



ناديت   للمداوي   يداوي  .......  المرض
ويوصف   لي  دائي  وإيه  .....  العرض
قال   لي   هواهم   مخالف  ......   هواك
وقال  لي  دواك  من  زمان  ..... انقرض


ف روحت  المقابر  وسيبت ......  الديابه
أنادي   اللي  ماتوا  وانده ........  صبابه
يمكن  ألآقي   في  سلامهم  ....    هوايا
والآقي  دوايا  في  حكاوي ....... الطيابه



يافن   رديئ   يافعل  .......... مهين
ياشله   م البشر  ............. تافهيين
يالحن   نشاز  يابحر .......... فجور
ياحبة   عور   ومش .......   فاهمين


انا  واحد  مانيش .............  منكم
ورافض  كل ................  أفعالكم
ومش   تابع  لأي   ..........  شعور
ولا مبهور  ...............  بمنظركم


وبامشي  الخطوه ..... ...... بحسابها
واجيب  الكلمه  من  ...........  نابها
عشان  قلبي   منارة  ...........  نور
مانيش   مأجور  ............   لكدابها


برغم  الخسه   مش ..........   نافر
وراهن  عمري  ..... ...... ومسافر
بقالي  سنين  بالف  .........  وادور
باهد  الضلمه ....... ........ وباعافر


 ياعم  فوق  كورة  إيه  ونيلة ........ ايه
والناس  بتعرق  ع الرغيف  مش  بتلاقيه
بننهي  هم   نلاقي  هم   بدون    فواصل
نشفت  حواصل  صبرنا  وباقي  لنا  إيه


 أبدر  ياواد  ضحكتك  ع السكه  نور ودليل
وارويها   من  همتك   متخافش  عتم   الليل
خلي  قلبك  دليلك  ،  وسيبها ...........  لله
دا  اللي  شيطانه  غواه  حياته  غلب  وويل


إسمع    لقلب   الطير   بيغني    لو   مجروح
فإياك   تسيب   دمعتك   تجري   وتنزل  نوح
وإياك  تبوح   بالألم  ،  تكسر  جناح   المرح
بكره  هاتطرح  فرح  وتطيب  جراح  الروح


الحمد  لله  إني  ياناس  ...........  حساس
وباكره   الجاحد  ،  فاقد  ......  الإحساس
وأعشق   جميل   الطبع .... ...... واغليه
لو  سعره  إيه  أشتريه  .........   بالماس


 إيدي  في  إيدك   نعمل   حساب   بكره
نبدر الخير  ينفنا  في ....... ...  الذكرى
والعقل  مجداف   بيغلب .... .... الموجه
والدنيا  لو عوجه  نعدلها .......  بالفكره


 من  شواشي  الدرة  طار الزغب  على  فوق
شربنا  مر الردي  حلف  الزمان  .... مانفوق
ركبنا  بحر  الوحش  وتوهنا  في ...  السكره
إيه  اللي   جاي  بكره   علمنا   لاجل   نفوق


 القمر  ويا النجوم   فرشوا  ...... .... السما
كتبوا   حكاوي   السهرانين   100   ملحمه
وانا  قلبي  حبك  مش  ............   ناسيكي
ماشي  في  رحابك .......... ........  بالوما


قابليني   بالخجل  .............  العفيف
واحضني   قلبي ...........   الضعيف
أنا    حبي    فايض    من     شجوني
وحبي   م النوع  ............  الشريف


وانتي   ليا   كل ..............  كوني
نبض   قلبي   ونور ........  عيوني
إفتحي   أسوار  ............   هواكي
واحضني   ثورة  ....... ...  جنوني


البحر  عاشق   شطه  .........  ليه
عشان   ينام   الموج  ........ عليه
وانا   قلبي   مرسى   وشط   ليكي
عشان   عنيكى   أضحى  ....  بيه


سألت  عنكي  ..........   العرافين
قالولي  كان  سرك  .........  دفين
وبعد  مااتفك .............    العمل
لقيت  عيونك .........   مجروحين


طب  خايفه   ليه .......   م التجربه
عشان   ماكنتي  ...........  مجربه
والجرح   علم ................  بالألم
وكأنه   لسعة ..............   عقربه


إنسى   الظنون  .......    المرعبه
وتعالى   ليا ..............   مقربه
هاداوي   جرحك   ........ والألم
ونخوض غمار .......... التجربه


 آه   وألف   آه   من   بنت   حوا
أستاذه   في   المكر ........   أيوا
بتخلي   الإبن   يكره   أمه  وابوه
ويرمي    أخوه   في   ريح   نوا

وبرضه  فيه  بنت  ..........  حوا
صوت   حنانها   في  القلوب  دوا
بدرت   أمانها  في   البيوت   نوار
طرح  العمار  من  حضنها   ضوا


 اللي  بنى  مصر  ف الأصل  كان  فلاح
زرع  غيطانها  أمل  لحم  عشانها  جراح
ويعدي  ألف  صباح  يتوضا  من  نورها
لامره  يوم  اشتكى  ولاعمره  كان  نواح


اللي  بنى  مصر في  الأصل  كان  صياد
ركب  مراكبها  وراح ...........  يصطاد
يصطاد  أعاديها  .............   والخاينين
وبروحه  يحميها  .............  م الأوغاد


اللي  بنى  مصر  كان   ولد .... عتره
رمى  بذرته  طرحت  لنا ....  الفكره
والأرض  واحده  لكن  ......... شتان
مابين  .. بذره    ..    وبين  .. بذره

اللي   بنى  مصر  كان  جدع  وفتوه
لو  مره  قالت  آه   نبوته  كان  قوه
وكان    دفه   تهديها   وتعدي   بيها
بحور  أحزان   لو  هاجت  ... النوه


اللي  بنى  مصر ف الأصل  كان  جدي
في  كل  أزمه  يقول  أهي  غمه  وتعدي
بلدنا    يابني    عفيه    والرك   ع النيه
خليك  للوفا  عنوان  وزي  ماتاخد  إدي



إللي  بنى  مصر ف الأصل  كان  خالي
كان  قلبه   صفصافه   ضلتها   تحلالي
قالوها  في  الأمثال  الخال  كما  الوالد
والحظ   لو  عاند   بالصبر    يصفالي


واللي  بنى  مصر ف الأصل  كان  عمي
لما   ابويا   مات  هو  اللي   شال   همي
فرش  لي   قلبه  مراح   وبحبه   غطاني
طيب  عشاني  جراح  ماهو دمه  من  دمي

اللي  بنى  مصر  كان   خالي  وكان  عمي
وجدي  عاش  فلاح  وابويا  اللي  من  دمي
وكل   ناسها   الطيبيين   ع الوفا   عايشين
في  رباط  متين  ليوم  العرض  على  ربي


ليه   لما   نصحى   من  ...  نومنا
نداري  همومنا   في  ..... هدومنا
ونلآقي   الغربه ..........  عايشانا
وسرقانا  من ...............   يومنا


ويطول   ليلها   ك حرب   باسوس
وتحول   كل   حلم ........  كابوس
وتيجي   الضحكه ..........  تتغابى
عشان  تطلع   بقلع  .....  ضروس


ونحايل   فجرنا   يطلع   يداوي   قلوب
يشق  العتمه  من  روحنا  لاجل  نتوب
 وتطلع   شمسنا  ...............  الدافيه
ونغزل  من  خيوطها ............ توب


ونبدر   في   البراح  .........   بسمه
تسرح   في   المدى  .........   نسمه
ترسم   ع الوشوش .........    أفراح
وترضى    قلوبنا  ..........  بالقسمه


إدفع   حياتك   مهر   ضحى  عشان  بلدك
أصل  الشهاده   طهر  ترفع   جبين  ولدك
عيش   حياتك   كريم    وصاحب  الأخيار
خليك  كما  المختار  لو ألف  سوط  جلدك


رسموا  في  خيالهم  حدود ، وقالوا  دوله
رفعوا  الرايات  السود ، من  غير مداوله
واللي  عايز  يبني  دوله  كان  يحيى  دين
وانتوا  شلة   نصابين  ،  دولتكوا   زايله


 ياما  جاتنا  جيوش  ...... محاوله
تبني  ليها  ف مصر .......   دوله 
ومصر  مين  يقدر .........  عليها
وجيشها  فيها  أسود ......  عتاوله



النزال  يحتاج   له  .......  حلبه
والتاريخ    في   الأصل    جلبه
واحنا   فيه   صفحات   مضيئه
والحقيقه   صوتها  ......  غلبه


طب  سمعونا ........... 100  صلا
المحبه   اللي   ف قلوبنا .... مأصله
والأعادي  بالغباوه  اللي  ف نفوسهم
تيجي  روسهم  تحت  سن   المقصله


وبلدنا   غنوه   ع الجبين .... متسطره
والفلاحين  زارعينها  زرعه  مخضره
عاشوا   فيها ع  الكفاف   وقالوا  أيوا
وعدوا  بيها  ألف  نوا  جوا  نوا  مغبره


وابويا  علمني  ........  دروسها
وبسن  فاسه  كان ....... يبوسها
ويجي  زرع  الخير....... يوافي
وقلبه  دافي  ف  حضن   ناسها


قالوا  عنها  ...............  هائمه
وانا  قلت  بلدي ........... حالمه
أميره   من   بلد .......... الخيال
والشامه  خال  ع الخدود  الملهمه


إيجى  العدو  فارش ......  مراح
فاكر  ترابها ............. مستباح
ولما  ساح   دمه .....  ف ترابها
راح  وسابها  وقال  .....  سماح


كان  ناوي  قال  يهدم ... أساسها
مانامش   فيها  ولاعمره   ساسها
ليله  الطويل  مليان ....... عويل
ونهاره   ليل  من   بأس   ناسها


يامصر  يابلد  ........ السواقي
سقسقي  أرضى  .... الشراقي
واقلعي  البلاب ......  يضرك
واقلعينا ...........   لو  نرائي


ياموحدين   بلدي ........ عمار
أرضها   طارحه  .... الخضار
يامفرقين   بين  .......  الأحبه
ياملحدين    الكره  ......   نار


قالوا  بلدي  بايعه  .........  شالها
قلت  كام   نشال .........   نشالها
والأصيل  ع العهد  .......   ثابت
لما  مالت   قام  ........... وشالها


أنا  الحدوتة ................  والتوته
وانا  الغنوة  اللي ........ مظبوطه
 على   كيفك   .............. تغنيها
على   اللحن   اللي  في      النوته


وانا   الضحكه   اللي   مش   طالعه
وانا  الصفصافه  ......... ع الترعه
وانا  المكنه  اللي  ...........  شغاله
بتروي   الأرض  ........ والزرعه


وانا  الداير   كما .............  الساقيه
ياست   الحسن   .............  ياراقيه
فدا  روحك  تروح  .........  روحي
عشان  سيرتك  تدوم  ........   باقيه


وانا  الهايم  كما  ......... الدرويش
وانا  النايم  كمان  ....... ع الخيش
وتحلى   اللقمة   ........... وياكي
بملحايه   وكسرة  ........... عيش


وانا  الماشي  وماشي .....   الحال
وانا  العاشق  وقلبي .........  مال
واشيل   الهم   ............. وياكي
لو  كانت  همومكي ......... جبال


 ياهم   يابن   الهموم    مالك    ملازمني 
لاحن    قلبك    يوم    ولا مره    تسعدني 
نسيتني    طعم    النوم   وشكل   أحلامي 
مليت  حياتي  هموم  إرحل  بقى  وسيبني


ياهم   يابن  الهموم    خلاص   انا   اتعلمت
حرمت  اقول  مهموم  عشت  الألم  وعرفت
ساعة  الفرح  بتعدي   وكمان  سنين  الحزن
الدمع   فوق   خدي   وانا   ع الألم    ولفت


 أجمل  مافيكي  إنك ...........  حبيبتي
ساكنه  قلبي  مهما ..............  غيبتي
قايده  ناري  .............    وف غيابك
كل  خلق  الله  في  ...........   سيرتي

شوفي  نار  الشوق  ..........  وناري
شوفي    حيرتي   ........   واشتعالي
ليه   تغالى  وليه  .............  تشكي
ليه  عنادك  زاد  ...............  تعالي


عشقك  الممنوع .............. نادالي
وف غرامك  زاد ...........   دلالي
وإنتظاري  .................   ولهفتي
وشوق    .....................  الليالي

نفسي  مره  ................   تعشقي
وف بحر  حبي  ...........  وتشهقي
وتسألي  على  قلب ...........  راح
متلاقيش  رد  لجوابك .....   تغرفي


وقلبي  راحلك  راح  .......  مجاش
وانا  روحي  في ..........  الإنعاش
جرحني  صدك  ............  بالقوي
ومعاكي  عمري  راح ......   بلاش

هاهد  وعدك  كان  ..........   أفيش
ويطلع  لقلبي  جناح ........   وريش
وارجع  أطير  حر  ............ وأمير
ترتاح  جروحي  عشان ......  أعيش


يامعدومين   الضمير   ياشله   م  الأوغاد
رضعتوا  طبع  الآسى  والخسه  فيكم  زاد
رفعتوا  راية   الشيطان   طلعتوا   م المله
قطعتوا  لحم  البشر  بيعتوها  ليه في  مزاد


صباحك   سعد   يام    السعد ......  وناسك
صباح  الخير  على  فلاح  بيتقوت  بأنفاسك
ياباعته    النسمه    تتهادى    على   جبيني
صباحك  يدفيني  وانا  الناسك  في  محرابك


أنا   إنسان    لكن   في   خانة    النوع
باضحك   ولكن   جسمي   هده  الجوع
رحال   ولكن    تاهت    خطوتي  مني 
باحلم    ولكن   حلمي   بات    موجوع


قالولي  عدت  سنه  كسرت  ضهور  الغلابه
أنا  قلت  كام  من  سنه  عدت  وسابت  ديابه
والدنيا   كما   الغابه   مابين   قابيل   وهابيل
والدم  نازل  سيل  ووحوش   بتاكل   زغابه


علم   عليا    الزمن   وشعر   راسي    شاب
جربت  سين  م البشر  كداب  وعمره  ماتاب
الطبع    فيه    غلاب    لسانه    منه   اندلق
عشمني    قال    بالحلق  جهزت  له  القبقاب



الكرامة   حاجه   هايله   بعتها  ليه   بالخيانه
والحياه  رحلتها  زايله  ليه  تعيشها  بالمهانه
فوق    شويه   وهدي   يابني   اللعب    حبه
كفة  شيطانك  طبه  وارتضيت  العار  ديانه


 عدت    كما    الرهوان    سنين     الفرح
تقولش  حصان  طلع  حرنان  بيرمح  رمح
دبحني  قلبها  الصوان  فقلت  أحسب  الأيام
لقيت  سنين  الهوان  جايه   وجايبه  الجرح



شايل  على   ضهري   جبل   المنايا   تلول
لا حد   قال   مالك    ولا  حد   رد   حمول
الدمع   نار  ع الخد  والناس  قلوبها  حطب
والعدل   لما    اتغلب   الظلم   على  القول


وانا  رحال   كلمتي  غنوه   وشكوتي  موال
راضي   أنا  بقسمتي   برغم   ضيق  الحال
وعزولي   عشان    فاضي   عمل    قاضي
بيجرحني   ع الفاضي   عمال   على  بطال



وابويا     علمني     أكون     عمل     صالح
وانا    سارح     على     دربي      ومسامح
الظن    داء   في    البشر   بيفرق   الأحباب
سهم  الظنون  لو  صاب  يجي  المرار  طافح


 طردوك   بره    العدد    حسبوك   عواله
ع الرصيف   فرشتك  ولقمتك  حبة  زباله
قتلوا  براءة  ضحكتك  والحلم  ليه  سجنوه
تجار   وتاجروا   بجتتك   خانوا   الرساله



 دنيا    رصيفها    سكن    جنتها    للمحاسيب
فيها    الشريف    اتركن     والمجد    للهليب
خد  لك   عبر  م الزمن   وعيش   بقلب  الطير
إزرع  تقاوي  الخير  وارمي  التكال  ع الغيب


نفسي   وياريت  ضاعت  ....... فاشوش
والعيون  متلونه  .........   ويا الرموش
فاياك   تعذيب   أو تعاتب ........  ناس
غاب  حياها  عن ...........   الوشوش


نفسي   وياريت   ننسى .......  الأروش
واشوف  ولد  يضحك ........    باشوش
وتطيب    جراح    الروح   نلعب   سوا
ولما    يجمعنا   الهوا   نسكن   عشوش


نفسي   وياريت   أصنع  ........  نعوش
تلم   ناس   ................   مابيشبعوش
كروش  وعباها  .................  الطمع
وتاكلها  نار  .............   ومايرجعوش


نفسي   وياريت   انا ........  ماعرفوش
زمان  وفيه   الناس ............. وحوش
متفرقين   برا   العدد   والروح   شتات
مشتاق   زمان    الطيبين    مابيكدبوش


نفسي   وياريت   يارب ........  حوش
وشوش   ملايكه   قلوب ......  وحوش
مكر  التعالب  وطبع  ...........  غالب
تنهي   ماتنهي   ..........    مابينتهوش


نفسي   وياريت   حبه .......  رتوش
عدى  الزمان ........  وماعشناهوش
جروحنا   ناحت  والريحه ...  فاحت
والضحكة  ماتت ......... ع الوشوش


الدنيا   شاهده   علينا    ماشيه    بتدلع
شافت    طباع     البشر   قلبها    ولع
وإيه    يفيد   الوعظ    والنفس   أماره
لو ألف  ناصح  نصح  لطبعها  بترجع



لو كنت  غاوي   المحبه  وفي  القلوب  يشيلوك
خاوي     الورد     تصبح     ورد    ويشموك
واياك    تخاوي    نبت   الشوك  ....... وتميل
هيكرهوك  الناس  ويخافوا  منك  أذيه  ويحشوك


سلام   غالي   مفيش   غيرك    لقلبي   أمير
والمنشيه  متوضيه  من  خيرك  ياقلب  الطير
إطمن   ياأغلى   حبيب   قلوبنا  ......  فداك
هانيمم   وشوشنا   إليك   مادام  .....  للخير


سلام   غالي   ياأغلى ..............  ضمير
حافظين   جميلك   ياجامعه ........  للتنوير
ياصيحه    صحت   موت   ضمير   الناس
يا 300   نبراس    بيدعوا  .......   للتغيير


سلام  غالي   وياريت  ...........  يرضيك
سلام  ع  الفكره   زرع  ...........  إيديك
فكرتك   في   قلوبنا   طرحت  ......  نور
وراسم  نور  سكتنا   ضي  ........  عنيك



سلام   غالي   عشان ...........   معاليك
وانا  مهما   كتبت   مش  ......  هاوفيك
ياطاقة  نور  في  عتمة ...........    ليل
ياقلب   الحور  وساكن ............   فيك


 كراج   سعاده   وحبيبتي   ماليش  غيرها
وانا    اللي    شارب    سلسبيل .... نيلها
تقسى  عليا   ماتقسى   شيئ ....... عادي
ودادي   أعدي   بحور   الكون   واغنيلها


كرباج   سعاده   والسعاده   بحرها   زاخر
الكل    واخد    نصيبه    ونصيبي   متاخر
سألت  إيه  السبب  قالوا  النصيب  مكتوب
يبقى  ليه  العجب   لما   نلاقيه   في  الأخر


كرباج    سعاده   والجهل   فينا  ...  داء
ماتت   النخوه   في   أزمة ....  الأخلاق
ضاعت  حلب   واليمن   والعراق  مات
ضاعت  بلادنا  واتقسمت ........ أشلاء



كرباج    سعاده    وقلبي    طاير   ورق
بترجى  محبوبي  وعمري  مني  اتسرق
فقلت   الف   البلد    واسأل ...   مجرب
لقيت   حكيم    الحب    قلبه  .... اتحرق


كرباج   سعاده   وهزني  ......... هزه 
لقاني   مسحور   م  النشوه ....   واللذه
سألني   مالك    قلت   له  ........  هيه
سقتني   كاس   الغرام   وزادت   المزه



 ياحلمنا  الممنوع   ياطريق  مالوش  أخر
ياسمنا   المنقوع    ف اللقمه   ليه   زاخر
سألنا  ع الفرحه  في  كل  شيئ  مشروع
قالوا   السؤال   ممنوع    والفرح   متاخر


 اللي  راح   مالوش  .........  رجوع
واللي  جاي  نفس  ........  الموضوع
جاي  رايح   مفيش .............  جديد
طب   ليه   نعيش   العمر  ....  جوع



و الدنيا   أكبر   ...............   مسرحيه
فيها   الهنا   وفيها   ..............  الأذيه
دموع   حبيسه   في  ............  العيون
وعيون   بتضحك  .............. ع  البليه


طبعا   كلام   العتب   ينفع  .....  ملاغيه
لو  كان   حبيبك   طيب  ...... ....  النيه
قدم   الخير   وسيبها  .................  لله
قلبه   الحجر  هايلين   ويجي  ....  حنيه



 إيه   ذنبهم  عشان   يموتوا ...... ..  الأبريا
وإيه  خادوه   من   جعلكم   .......... ياأغبيا
الغل   فيكم   نار  طارح  ............    دمار
ودم  نازل   زي   سيل  ...........   الأوديه


 أنا  أصلي  واحد  م الغلابه  ودمعتي  تقيله
جاروا   علينا  الديابه  وشيلت  انا   الشيله
حاسب   ياليل   الأسى    طولت   أحزانك
الهم   مالي   البلد  والضحكه  ....   بالتيله



 ليه  طريق    الحبايب   ماليه  ....  الضنى
والجهل    عايب    وموجه .......   بيصدنا
رافع   ما بينا    ألف    حد  ........  وسور
كل  اما  اهد  سور ألاقي  غيره ....   اتبنى


 قوم    ياشادي    قوي    حيل    الحيل   وشدو
قوم    ونادي   فرح    فؤادي    وقول    ياجدو
الدم  واقف  في  الوريد  مستني  ......  صوتك
يطرح  في  روحي  ألف  عيد  وجروحي  سدو



مطلوب   برغم   الهم   ضحكه   ترد   الروح
تجري   فينا   الدم   عايشين    حلاوة    روح
سألت  ع البياع   والضحكه   تسوى ....  كام
قال  لي  البلايا  مشاع  ياروح  مابعدك  روح


هايحسدوك   ع الضحكه   ياعم  ..... داريها
أصل  النفوس  سكه  والجهل  ........  ماليها
الفقر   مش   عيب   دا سكه  ........  للجنه
وبيه  هاتتهنى  وتسكن   قصور .......   فيها



أيام   كما   الصبار  وسنين   صعيبه  وطويله
حصدت  فيها  المرار  زرع  النفوس  العويله
مجبور  على   اللقمه   والغربه   قلب   الغابه
محكوم    بأمر   الديابه    والضحكه    بالتيله


العدل   مش  سيف  العدل   أصل   الشريعه ..
العدل  إسمه   لطيف  رحمه  بنسايم   وديعه  ..
والظلم   نار   قايده    بيطفي   نور   الروح ..
فابني  صروح  الخير  بالعدل  تصبح  منيعه



عيني   رأت   جدع   طيب   والنظره   بريئه
لابس   عمامة   الورع   كأنه   شيخ    طريقه
قال   لي   مجرب   حاسب   من   أبو  وشين
تحت   البحور   براكين   وقايده  ...... حريقه


عيني    رأت    لص    طاير   كما    الدبور
في   الضلمه   بيعس   عارف   خبايا   الدور
والرب   حارس   بس   والشيطان    وسواس
والخسه   ليها   ناس   تكره   تعيش  ف النور



 الدنيا    صعبه    ياعم    قاسيه     وعنتيله
والناس   ملانه   هم   قليلة  ........  الحيله
وكيف   يزق   الناس  الراجل ...... العاجز
والخوف   واقف   حاجز   واللقمه   بالتيله


 أهي   أزمه   يامه   قوام  .......  هاتفوت
ومايشمت   فيكي   غير  ..........  هلفوت
ودم   الشهيد  ع الرمل  ..............  سال
لاجل   يروي   الأرض   تطرح ....  قوت


رويت  غيطان  الموز  حمل  سباطو  وطرح
فتحت  غلف  الكوز  والموزه  قد ...... البلح
إفرد   ياعم   البوز   تلقى   السوباط   عناقيد
والدنيا    عبد   وسيد   وحزن    بعده    فرح


مالت  عيدان  الغله  ،  فضيت  عليها   الجيب
قلت   الهوا   ولا  ،   جايه    السنابل    طيب
قالوا  لي  زاد  العطش ، والزرع  مال  هفتان
وكل  شيئ  بأوان  ،  رزقك  في  علم   الغيب



القمر  ويا النجوم  فرشوا  ..........    السما
كتبوا   حكاوي   السهرانين   100   ملحمه
وانا   قلبي   حبك   مش  ..........   ناسيكي
ماشي  في  رحابك  ................    بالوما


قابليني   بالخجل  ................   العفيف
واحضني   قلبي  ................  الضعيف
أنا  حبي  فايض  من  ............. شجوني
وحبي   م النوع   ................  الشريف



وانتي  ليا  كل  ......................  كوني
نبض   قلبي   ونور ...............   عيوني
إفتحي   أسوار .....................   هواكي
واحضني   ثورة   ................    جنوني


البحر  عاشق   شطه  .................  ليه
عشان   ينام   الموج  ...............  عليه
وانا  قلبي  مرسى  وسط ...........   ليكي
عشان  عنيكى  أضحى  .............    بيه



سألت   عنكي  .................    العرافين
قالوا  لي  كان   سرك  .............   دفين
وبعد   مااتفك ......................    العمل
لقيت  عيونك  ...................  مجروحين


طب   خايفه   ليه  ...............   م التجربه
عشان   ماكنتي   .................      مجربه
والجرح   علم ....... ..................  بالألم
وكأنه   لسعة   ........................  عقربه



إنسى   الظنون  ..................   المرعبه
وتعالى   ليا   ....... ................ مقربه
هاداوي   جرحك  ..................  والألم
ونخوض   غمار   ................ التجربه


 ركب  الولد  ف القطر  يادوب  بقاله  ساعات
والقطر  قابل   قطر  واتبعترت  ...... أموات
طلعت  أسأل  عليه  ومين  ...........    شافه
كل   الولاد   خافوا   يقولوا  لي   إبنك   مات



رسموا   ف  خيالهم  حدود  ،  وقالوا   دوله
رفعوا  الرايات  السود  ،  من  غير  مداوله
واللي  عايز  يبني   دوله  كان  يحيى   دين
وانتوا   شلة   نصابين   ،   دولتكوا   زايله


 الساقيه    عايزه   تدور  ،   جهز   غيطانك
والفجر  جاي   بالنور ،   إفتح  ...... بيبانك
أحضن  شعاع   الشمس ،  واتغطى   بالعفه
خلي    قلبك    دفه   ،   واطرد     شيطانك
 


قالولي  عدت   سنه  كسرت  ضهور  الغلابه
أنا  قلت  كام  من  سنه  عدت  وسابت  ديابه
والدنيا   كما   الغابه  والدم   نازل  ..... سيل
مابين   قابيل  وهابيل  وحوش  بتاكل  زغابه


طلعت   سارح   بلا   فايده    وطالب   مدد
الشمس   نار  قايده   ومنها  ضهري   انجلد
لاميه  تروي  الأرض  ولازرع  يملى  العين
بقينا   ليه   تايهين  عايشين   كمالة .... عدد



الضحكه   اللي   تفارق   خدك   هى  الخسرانه
والورده  اللي   تفارق  عودها   بتموت   دبلانه
وانا  نبعي  الطيب   صافي   مخلوق   علشانك
راح  يروي  كيانك  دانا  روحي  بحبك  هيمانه


 الأرض  اللي  تخاصم  فاسها  والله   بوار
والبنت   المكسوره  فناسها   ناسها   صغار
إرفعي  راس  العزه   لفوق   ليه   خجلانه
دا  الإيد   الشقيانه   يابنتي   دارها   عمار



العدل  نادي   ياعمر  الظلم ............... داس
والناس  قلوبها   حجر  خاليه   من   الإحساس
سرقوا   براءة   ضحكتك   واللقمه  ....... فين 
وليه  هانوك  الأكرمين  وإنت  الدهب  والماس


هنومه  زي  المها  في  عنيها   ألف  نهار
البدر  من  حسنها  بيهل .......... بالأنوار
وقناوي  قال  حبها  لكن  ماهوش  خيالها
هنومه  سايقه  دلالها  وجمالها  سيف  بتار



ليه  لما  نصحي  من  ...........   نومنا
نداري   همومنا   في  ........... هدومنا
ونلآقي   الغربه  ................ عايشانا
وسرقانا  من  ....................   يومنا


ويطول  ليلها   ك حرب  .......  باسوس
وتحول  كل  حلم  ................ كابوس
وتيجي  الضحكه  ................  تتغابى
عشان  تطلع   بقلع   .........   ضروس




ونحايل  فجرنا  يطلع  يداوي ........... قلوب
يشق    العتمه   من    روحنا   لاجل    نتوب
 وتطلع   شمسنا  ......................   الدافيه
ونغزل   من   خيوطها  ................  توب


ونبدر   في   البراح  ..............  بسمه
تسرح   في   المدى  ..............  نسمه
ترسم   ع  الوشوش  .............. أفراح
وترضى   قلوبنا  ..............   بالقسمه




الدم    سلسال    سلك    طريق  .......... المهالك
والخير  سلسال  نجى  الغريق  اللي  ........ هالك
قبل   الطريق   إختار   صديقك   واتحرى  فصله
دا  الفرع  بيرجع  لأصله  ولكل  صاحب  مسالك


فامشي  في  طريق  الخير  وابعد  عن  الهالك
وعيش    بقلب   الطير    وصاحب    السالك
وإياك   تخاوي  الشيطان   وتعشم  في  افراح
طبع   الشيطان   جراح   ويعطل  .... السالك



 عيني  رأت  جدع  طيب  والنظره  بريئه
لابس  عمامة  الورع  كأنه  شيخ  طريقه
قال  لي  مجرب  حاسب  من  أبو  وشين
تحت   البحور   براكين   وقايده  حريقه


فاكر   عيدان    الدره    وقطف   الشواشي
والأرض  طارحه  المغفره  والنيل  نجاشي
واشوف   أبويا   بهمته   يلم   ..... الكيزان
عشان   ما ندى   للجيران   والخير  يوافي




تحلى  المعاني  مابين .............  حروفك
سحرك  ناداني  أداوي  ............  خوفك
جيت  بالمدد  فرحان  ...............  قوي
أشق  عتمة   سكتي   واقيد .....   شموعك


 إزاي  حياتك  كده  عايشاها  .....  ع الحبلين
وإزاي  تربى  عيال  من  غير  أدب  ولا دين
دا  البيت  عماده   الحياء   والتقوى  والإيمان
وإنتي   كما   الشيطان   هدامه  ....   للبانيين



 وتر  الرباب  إشتكى  ،  من  آهة  المواويل
فضحني  دمع  البكا  ، خلصت   كوم  مناديل
دنيا  عجب  العجب ، فيها  اللي  كان  واطي
لما  عطاه  العاطي  ، على  وبنى   الطواويل


رسمت  حزني   فرح  ،  زيفت  في   مشاعري
شافوني   ناس  الكرم  ،  قالوا   الدهب  سعري
قالوا   كلام   غالي   ،   وصفوني   قال   مداح
سارح  في  أرض  براح ، واتعجبوا  ف شعري



سنين   العمر   ....  منقوشه
وباحلم  قاعدة  ...... الكوشه
وجانبي  عروسه ...  واتحنى
وسكه  بورد ....... مفروشه


سنين  العمر  ......  معدوده
وليه  أحزاني ....... مفروده
ممدوده  بحبل  ...... وطوق
على    وسطي     ومشدوده

سنين  العمر  ........ بتعدي
كما    الرهوان   ولا   تهدي
واقول  يمكن   تحن  ف يوم
وترسم   ضحكه  على  خدي


سنين   عمري .....  محبوكه
بتقطع  فيا ........  بالشوكه
ونهر  عذابي ....... متواصل
مفيش   فاصل    ومشبوكه

سنين   العمر ........ جرايه
وحكايه  ورا  ......... حكايه
يعدي    العمر    وف  ثانيه
وتهرب  مني ...... ضحكايه


سنين  عمري  وطايره  لفوق
وسيباني   ماليني    الشوق
أنام  واصحى ....... وأتمنى
أزور  البيت   وبالي   يروق

سنين  عمري  ودايب  دوب
وراضي  يامه .... بالمكتوب
مجروح   والجرح   يوجعني
وإيه   يعني  أبات   مغلوب


سنين   عمري   بطاطي  لها
تغيب  عني  واحن ......  لها
 تشوف   في  عنيا   أحزاني
 تغيب  تاني  ......  تشعللها

سنين   وبتعمل  ..... اللالي
سألت   الودع   قال .... لي
هات  لي حته  من .... توبه
ومكتوبه   يظهر  ....... لي


سنين  عدت   وحملي   تقيل
وسقياني  كاس .....  الويل
م الهم   اتحنى .....  ضهري
وانا  عمري  ما كنت   عويل

سنين  عدت  على  الفاضي
وحبيبي  بيا  مش .. راضي
وسوء  حظي ...... بيساهم
وانا  فاهم  ...... ومتغاضي


سنين   من   توبي  قلعاني
وانا  الغرقان  في  أحزاني
ولما  حلمت  أحط   ف شط
 لقيت  أحلامي  .... بيعاني

سنين   جايه   وجايبه  غيوم
وأنام  مره  ومره ....  أقوم
وعدي   العمر  .... بالعافيه
يوم  فرحه   وشهر   هموم


سنين  العمر  ليه ... تاهت
ناس   صانت  وناس   باعت
وانا   شايل   على   كتافي
هموم  راسيه  ولا  انزاحت


سنين  عمري  ..... بتلعبي
باعت  شالي .... وإشاربي
على  أمري   أنا  المغلوب
بداري   الجرح ...
وبخبي