ديوان مربعات
اركب مراكب ... ضميرك
البحر غدار ..... وقاسي
وخلي عشك ..... لطيرك
واعمل له قلبك مراسي
طيرك لو شاف أمانك
يفرح وتحلى ... مشاهده
طمن فؤاده ...... بودادك
واقطف حنانه وشهده
طيرك في عشك خفيف
يسبح في همسة شجونك
بالليل حنين ....... لطيف
والصبح ورد ....... لعيونك
طيب جراحه ...... بإيديك
واجري عليه لو ندالك
ولاحد هيخاف ..... عليك
ولاغيره ويسند حيطانك
إفرد جناحك ....... عليه
وإياك تفارق ...... عتابه
وإن شوفت دمعة عينيه
يسبق حنانك ...... عتابه
إضحك في وشه ولاغيه
يفتح لحضنك ..... رحابه
م البرد حاجي ..... عليه
يفرد لحرك ...... سحابه
روض في طيرك وحاسب
تكسر ضلوعه بغرورك
للرحلة مركب وقارب
والعقل دفة ..... مرورك
الضلع منك ........ وليك
وانت اللي عارف تمامه
كسره وسلامه ف إيديك
مادمت ماسك ..... لجامه
إن ميلت ميل بس حبه
وارجع بسرعه .... راضيه
بالود تغلى ....... المحبه
ويلين عشانك ..... عاصيه
حاسب عيون .. الحدادي
وامشي الخطاوي بحساب
طبطب وهنن ... ودادي
واعمل لطيرك .... حجاب
إسهر عشانه .... ولاعبه
أنا أصلي فاهم ودارس
خليك تملى ف ملاعبه
فرود وهداف وحارس
أبدر غيطانه ب مشاعرك
واروي عطشه بحنانك
خليه حروفك وشعرك
وأول قصيده ف ديوانك
النهج سنة ......... نبي
يخرس لسان ...... اللئيم
هو نجاتي ..... ومكسبي
ألفين صلا ......... وتسليم
الصبر مل من الوجع
والظلم طعمه ... مرير
وانا اللي راجل جدع
قلبي لعيوبهم ..... بير
ياصبر خود لك مرتجع
أصبر على جور القرايب
حبل المودة لو اتقطع
سهم العدا للقلب صايب
بحر الدموع لو سايح
ممكن بضحكة ... يجف
لما القلوب ... بتسامح
جرح الأسية .... يخف
ماشيه البنيه ..... بدلال
صفصافه طرحت ورايق
القد زايد .......... جمال
والشعر سايح ... ورايق
ماشيه البنيه ...... بدلع
عشش دلعها ف دماغي
بصت لي قلبي ... اتخلع
والسهم صابني جاب داغي
ماشيه البنيه ... الخطاوي
رنتها في القلب شقه
يخرب شيطان اللي غاوي
عشق البنته ........ مشقه
ماشيه البنيه ..... بإشاره
وانا قلبي م العشق فايق
عدت وسابت .... شراره
قادت في راسي الحرايق
ماشيه البنيه ..... بهيام
عينيها حلوه ...... وكحيله
حرمت عيوني ..... المنام
بلاغي لله مابيدي حيله
ماشيه البنيه بلا ..... هم
والضحكة غنوة ..... ربابه
أرأف بحالي ......... ياعم
أنا أصلي عاشق صبابه
ماشيه البنيه في عيوني
ع الرمش راكبه جملها
هجروني ناسي وباعوني
شافوني عاشق جمالها
ماشيه ف حواري البلد
كن الغفير يبقى خالها
لو كان مرادها السند
انا برضه ......... خيالها
ماشيه البنيه ... بحلقها
زاينه الأساور ..... إيديها
سبحانه ربي ...... خلقها
ودلى قلبي ....... عليها
قلب البنيه دا خارطه
مرسومه رسمه ياخال
الكحل ف عينيها شرطه
والشامه ع الخد خال
خبوا الرجوله ف يم
حاجوا عليها .... عزوها
لو زاد علينا ........ الهم
وقت الضيم هانعوزوها
جرح الأسيه ......... زم
سدوا العيوب رمموها
سهم اللسان جه ذم
خلى البنات عار لابوها
زرع الامانه زاد .... عم
عبوا الحواصل .... ملوها
لو جت عجاف الغم
تلقى السنابل سابوها
إكتب بدمع ........ الألم
الطيبه ليه ........ عيبوها
وبإيه يفيد .......... الندم
لما البيوت ....... هدموها
من بعد ابوك قول ياعم
شدوا الحبال وصلوها
مدوا الإيدين قوم ياعم
صحوا القيم ...... أصلوها
ل اختلاف في الطبع وارد
فخلي فيك النخوه ...... غيه
لو ميت هفيه ف جمع واحد
هتبقى واحد يسوى .... ميه
واحنا ذكرى وخيط سراب
مهما غيبنا راح ...... نعود
إتخلقنا من .............. تراب
وفي التراب هايكلنا دود
الطمع في الخلق .... هادم
وانت نسل أمك ......وابوك
شوف قابيل م الذنب ...نادم
إتعظ من فعل ....... أخوك
عاشوا قبلك ياما ...... ناس
واللي باقي حكاوي عنهم
إللي منهم زي ........ ماس
واللي ينداس برضه منهم
ليه تكابر يابن .......... آدم
وانت معيوب ........ بالوراثه
الشيطان زيك ........ مانادم
وانت سايق في ... الغلاسه
لو تربى ولد ......... غيرك
يبقى عقلك مش ...... تمام
ربي كلبك يحمي .... طيرك
يحرسك والناس ........ نيام
شوف بقلبك قبل .... عينك
حس حال الناس .... وطيب
صلى فرضك واحيي دينك
واسعى بالمعروف تطيب
عشان مازرعك ....... يزيد
يحتاج لغالي ...... التقاوي
دا البيت ببابه ...... الحديد
تهابه لصوص ....... الليالي
إياك تغير ........... مبادئك
وتنسى أصلك ...... تضيع
وتبيع ودادك ........ وعهدك
يفرح في ميلك .....وضيع
لو هتطلع بره ...... جلدك
يبقى تتحمل ......... ذنوبك
ليه تقول للواطي سرك
مش هايستر لك عيوبك
كلمتك لو كات .... فصيحه
ترسمك ورد ....... وشقايق
والنصيحه إن جت صريحه
ترفعك بين ......... الخلايق
وابويا عهده كان رفاعي
كان في البلد عالي المقام
كات تخاف منه الأفاعي
وكان وديع زي الحمام
الأب في السكه الدليل
ينصحك لو كنت .... خاطي
والولد لو بان ........ عويل
يبقى أبوه في الأصل واطي
والرجوله مش ......... كلام
والسكوت مش نقص فينا
أبويا كان دكان ....... علام
وكان يبيع الحكمه لينا
قالي حكمه غاليه جدا
فرق بين جاهل وراقي
الديوك للنخوه .......... تدن
والفراخ تزعل ....... تكاكي
وقالي صاحب في الطريق
الصديق هايحلي...... دربك
ضحكه حلوه تبل ..... ريق
والنوايا في علم ..... ربك
يوسف يانبراس ..... الورع
الغدر طعمه .......... مرير
إزاي داريت ......... الوجع
لما رموك في ....... البير
قومي يامه وارقي شادي
زي جدو وجدو .... منك
شادي طير سارح وشادي
بكره يكتب زيي ...... عنك
عدت سنينك زي بسمه
بس سابت فيا ...... شي
روحي طايره زي نسمه
راسمه خيط الضلمه ضي
والحنان مش .... بالعلام
والمظاهر بس ..... نزوه
والمحبه ........... بالهيام
والأمومه كيان وعزوه
مدي إيدك ........ لملمينا
حضنك الطيب ........أمان
أدبينا ..............وعلمينا
قسوتك جنة .........حنان
إقرصي وداني بضوافرك
إجرحي وسيبي ... علامه
عمري يامه مانسى فضلك
حتى جرحك فيا ..... هامه
شالت إبني في حجرها
وامي لسه جنه طارحه
وابن إبني في حضنها
على حسها نايم بفرحه
واخده حس الدار حبيبتي
ولسه بتعاتب ...... غيابي
بعد سهري وبعد غيبتي
قاعده صاحيه حارسه بابي
لما انادي واقول عيالي
وقت مابتزيد ...... جراحي
يعلى صوتها تقول ياغالي
ليه تنادي وقلبي صاحي
وقت تعبي كنت أشوفك
والرجا ملو ...... العيون
والدموع شقيين خدودك
زي نهر بيروي كون
ليه تداري عني دمعك
فاكره يامه ابنك اناني
نبضي واصل نبض قلبك
وقلبي سامعك لو تعاني
هدى سور الخوف وعدي
شدي عودك ماتناميش
إفردي قلوعك .... ومدي
ضهري شطك متخافيش
بين سكوتك 100 حياه
والزمن واقف ... حداكي
دعوتك في الشده جاه
سمعيني صوت ... نداكي
ماتقوليش العمر ... فات
لسه يامه الفجر جاي
إضحكي وهدي السكات
ضحكتك في الحر في
إشحني بحبك مشاعري
وابدري في قلبي حنانك
تطرح الأفراح في عمري
واكتب الأشعار عشانك
سيبتي فينا العزة منك
ياللي حمدك كان عباده
ولامره يامه شاكيتي همك
كنتي واحه ....... للسعاده
العيشه غليت في دورك
والفرح ليه بس هارب
أصبح عشانا ... فطورك
جوع الغلابه ... ك هارب
العيشه غليت في دورك
لفيتي فقري ف منابي
سقياني مرك ... وجورك
واللحمه كلها ... المرابي
العيشه غليت في دورك
قالوا لي الدوا سلطان
بدرت غيطي ببذورك
طلع الحصاد سرطان
العيشه غليت في دورك
والساقيه حلفت مادايره
أفاعي سكنوا جحورك
وكلابهم حوالينا .... دايره
العيشه غليت في دورك
حكمتي فينا ....... الديابه
حرمونا نسمة بحورك
والأرض طرحت ... كآبه
العيشه غليت في دورك
لميت ظنوني اللي خابت
فرحت غيلانك .... بزورك
شوفتك صبيه وشابت
العيشه غليت في دورك
ونابني إيه غير هبابك
والضلمه غلبت ف نورك
حلفت لاهجر ....... عتابك
العيشه غليت في دورك
والبطن صرخت ..... جعانه
دخلنا ضلمة ........ قبورك
وخاب أملنا ....... ودعانا
العيشه غليت في دورك
صليت عشانك ... دعيت
ندهتي أخضر في بورك
لبيت نداكي ........ وجيت
دي العيشة غليت ،يافايزه
وانتي البعيده بلا .... دم
جيوبي فضيت .... وعايزه
سقياني كاس ........ الهم
دي العيشه غليت مراحل
والإيد يافايزه ..... قصيره
والهم عشش .... ما راحل
نايم معاي ... ع الحصيره
دي العيشه غليت مسافات
ومعادش صحه تجاريها
ياما شالت كام مسا فات
هموم وتقلت ....... عليها
دي العيشه غليت خلاص
والناس ما لاقيه غداها
خايفه ودعاها الخلاص
يكفيها يومها .... وغداها
دي العيشه غليت ياعم
عايشين يادوب ع الكفاف
نشف الوريد ...... م الدم
والهم زاد ....... ع الكتاف
دي العيشه غليت ياخال
والرحمه راحت ...... فين
ومنين نجيب ....... المال
ومنين نسد ......... الدين
دي العيشه غليت ياعين
وقلوبنا عاصيه ماتابت
والجوع دا كافر لعين
والجته م الهم دابت
اللي مريض .... بالهوي
آآآآهين ........... وياويله
في ناره قلبه استوي
تايه في .......... تأويله
اللي مريض .. بالهوي
مغلوب على ..... أمره
في بير عذابه .. هوى
بإيديه مسك .... جمره
شاف التاريخ ... أشكال
شاف التاريخ ... ألوان
لكنه لما ........... كتب
كتب العويل ..... إنسان
وإياك تميل ..... للعويل
ماتكولش من .... قدره
تعمل عشانه ... الجميل
يسقيك مرار .. غدره
إياك يغرك ......... وشه
أو كتر ....... ...... عجابه
بكره يبان لك ..... غشه
والسم من ......... نابه
ناعم كما ......... الحيه
لابس قناع .. .... خداع
المكر فيه ......... غيه
طبع العويل ...... بياع
له مله غير .... المله
لاشرع له ولا ... دين
بين البشر ........ قله
مفطوم على .. التخوين
وقت الصلا ...... يجري
كأنه شيخ ...... جامع
وقت الحقوق يهري
بيصد ........... ويمانع
تنصح ماتنصح ..... فيه
عامل لسان..... جزمه
ضميره ميت ... فيه
عايش مالوش .. لازمه
إسأل ياعم ........ عليه
من قبل ... ماتحاسبه
وان قالوا روحك فيه
إبعد ...... ولا تناسبه
ياموج البحر .. ياصابر
أنا زيك وكلي هموم
ف وسط النوا بتعافر
وانا صابر على المقسوم
ياموج البحر ... يا هايم
غريق في العشق رسيني
لا صاحي ...... ولا نايم
مجروح والجرح كاويني
ياموج البحر انا مليت
تعبت وتوهت ف الزحمه
عشت كتير وما تهنيت
وجايلك طالب الرحمه
ياموج البحر .... ياعايم
أنا التايه .... ف تأويلي
كفاية عليا ..... تتعازم
يا تهدي .... ياترميني
ياموج البحر انا زيك
شكلك في شكلي يبان
لا تلومني ...... ولا اعاتبك
دوبنا من ...... الأحزان
ياموج البحر ماتحاسب
بتتعاجب بحبة .... ريح
نفسي شوية .. نتعاتب
مانتغالب نكون مجاريح
ياموج البحر ... وديني
لمحبوبي وزاد .. الشوق
وصلني إليه .. وعديني
يهنيني وبالي .. يروق
ياموج البحر ... يارايق
تحلالي ويحلى العوم
أنا زيك كمان عاشق
ومفارق جفاني النوم
إن قلت حبيبتي زي الورد
ألاقي الورد .......... يتمايل
وان قلت حبيبتي زاد الوجد
تقول لي ومالو .... تستاهل
مانيش عارف ..... أراضيها
وانا العاشق .... لأوصافها
وباعدت عني ...... أراضيها
وقلبي يحن لو ..... شافها
وأمد إيديا .......... لإيديها
عشان تهديني ..... أشواقها
وتيجي عنيا في ... عنيها
تقولي ظنوني .... صدقها
واكدب روحي ...... واهديها
طريق لجروحي ...... تلحمها
واقول يمكن .......... تداويها
وتشفيها ............ وترحمها
وأمل اللقيا .......... يطفيها
ناري القايده ....... علشانها
وسهد عيوني ........ يكفيها
نظرة عين تكون منها
لو ضلك جه على ضلي
هابعت لك شوقي ...... هيام
وان غاب عنك فسر لي
أنا دايب في ..... الأحلام
لو ضلك جه على ضلي
هارسم لك روحي حدود
وافتح لك بابي ..... ياخلي
وازرع لك قلبي ... ورود
لو ضلك جه على ضلي
هاغزل من شوقي الطرحه
وازرع لك وردي وفلي
وابدر على بابي الفرحه
لو ضلك جه على ضلي
هاغمض عيني ....... عليك
وأطير والحلم ...... يشلني
واسرح على رمش عينيك
مش كل العقول من نور
ولا كل القلوب ....... طيبه
فيه ناس بتشهد .... زور
وناس تكره .......... العيبه
مش كل من قال صدق
ولا كل من سكت كداب
فيه ناس سكوتها دهب
وناس كلامها ... . هباب
لكل كيف ........... صنف
وصنف العويل ..... حافي
بخيل كما .......... الحلف
ولا طرحه .......... بيوافي
الفقر مش ........... عيب
ولا الفقير ......... معيره
العفه تملى ....... الجيب
والندل تغنيه ....... مره
إوعى تسأل عن خسيس
أو يغرك يوم .. كلامه
إبعده وخليك .... حسيس
زي أبوه معروف تمامه
إللي باع نفسه رخيص
مستحيل هايشيل أمانه
واللي بيصاحب خسيس
يرتضي ذل ..... المهانه
لو تشوفه تقول دا شيك
ساب عصمته في إيد المره
هو اللي يتجوز .... بشيك
يبقى إيه غير....... مسخره
النطاعه ساكنه ....... دمه
والشعور ميت ... أكيييييييد
والكرامه غايبه ....... عنه
تجرحه ينزل ........ صديد
عاش حياته زي .... تيس
روح شمال روح .... يمين
زمبلك زي ......... الفتيس
عادي خاااالص ... مستكين
الرجولة ان كات مبادله
هارتضيها وابيع حياتي
وتبقى بعدي في المعادله
عزوتي في غربة مماتي
مش كل خال ....... والد
ولا كل صاحب ...... سبع
بيع الضمير ......... وارد
واسأل عويل ...... الطبع
فيه خال ............ يعزك
وخال يوزك ع الخطيئه
لو مال .......... يشدك
ويخلي سيرتك ... بذيئه
وخالي مات وكان حياتي
يارب طيب .......... ثراه
رفع شاني وعلى ذاتي
عزه ... وكرامه .... وجاه
بحبك حب مش عادي
ومش راضي يسيبني أنام
بحبك والهوى ...... قاضي
لا انا إفراج ... ولا إعدام
بحبك حب ....... متواصل
ومش فاصل وبعده نعود
بحبك والهوى ...... فاصل
مانتواصل وباني .. سدود
بحبك حب مش معقول
ومش معسول ولا كداب
بحبك والهوى مشغول
ومش فاضي يرد جواب
بحبك حب مش جبار
ومش سحار ولا بحجاب
بحبك والهوى ..... غدار
ومش راضي نكون أحباب
بحبك حب مش زايف
ومش شايف سواكي حد
بحبك والهوى ..... واقف
مابين قلبي وقلبك سد
اللقا ف إدينا عود
لما تفرح يوم قلوبنا
اللقا يرمي .... الوعود
والحروف تنظم قصيدنا
اللقا مابينا .... طارح
زي نوار ... الأراضي
لما يجي الفجر سارح
تلقى خد الورد نادي
اللقا مابين ... عيونا
صمته أقوى م الكلام
والمشاعر فيها دوبنا
والقلوب طارت هيام
اللقا لو يوم يعاند
الأمل جوانا .... حي
حبنا أقوى ..... وصامد
لاجل بكره يجي ضي
اللقا ما بينا .... حاير
زي رزق غاب شويه
لما يجي يجي طاير
زي جوز حمام في غيه
واتقابلنا .... بالشجون
والشجون قال الكلام
والكلام بان في العيون
والعيون نطقت هيام
والهيام مال ع الجفون
الجفون قالت ...... ننام
ف المنام حبة سكون
والسكون راحه وسلام
ياحلم عمري .... بلاش
تفتح جروحي الضعيفه
العمر عدى ...... بلاش
وعيوني بعدك كفيفه
وحلم عمري .. ما جاش
والنسمه منك خفيفه
وليه تبيعني ..... بلاش
والروح في حبك عفيفه
ياحلم عمري .... وطار
ياحظ ليه بس عاصي
دموعي نازله أمطار
تغسل جبال المعاصي
ياحلم عمري .... تعالى
وشوف بعينك احوالي
كفايه عليا ..... تتعالى
وكن سميري وحلالي
ياحلم عمري .... ياجامد
زي الحديد ... الفولاذ
زايد في صدك معاند
وانا قلبي أصلاً . قزاز
ياحلم عمري ... البعيد
مشتاق زيارة .... جنابك
انا جايلك واللقا .. عيد
افتح وخدني ف رحابك
بعيوني واقف أشاهدك
موصوف لعيني تشوفك
وادوق حنانك ... وشهدك
واموت لو غيري يشوفك
نفسي أغازل مشاعرك
وانام في قلبك أسير
دهب ده ولا شعرك
نازل جدايل .... حرير
قصدت عمك ... وخالك
م الغالي مهرك قالولي
هاجيبه يروق .. بالك
نياق حمرا ... ولولي
وصفولي درب المهالك
قالولي طلبك .... فيه
هامشي عليه لو هالك
وعد الحبيب .. أوفيه
طلعت ماشي مادارك
خطين عيونك .... دليل
مكتوب دوايا ف مدارك
جايلك وقلبي ... عليل
الواو أساسها صروحي
حروفها نسمة هوايا
جناسها عشش ف روحي
نغمها عندي ... غوايه
الواو مازوره ومقاس
باقيس عليها جناسي
وحب ناسي . أساس
وكاس يناسب مقاسي
الواو شادوفي وفاسي
وأرضى عاشق ترابها
غلتها دهبي وماسي
حصادها غالب .. عذابها
الواو وداير .. مدارها
وزهر سعدي وهنايا
دوباره تخدم جوهارها
ف تقفل مربع معايا
الواو عساكر .... درك
تطوي ف حماها الزغابه
يهرب شيطان .... البرك
وتعمل حسابها الديابه
الواو رفارف ... جناحي
خلتني عالي .... الراس
حروفها تشهد كفاحي
جوا الضمير نبراس
أول مانبتدي اليوم
يارب طهر ..... قلوبنا
وعينا لأجل ... نصوم
واستر لنا .... عيوبنا
بانت بشاير الرحمه
صومنا ...... وصلينا
وقلوبنا اهي مسامحه
يارب ........ واهدينا
تابت قلوب ... الناس
واتسلسلت شياطين
ونوينا ...... بالإخلاص
نرفع عماد الدين
ثواب وبابه اتفتح
في شهر رحمه ونور
صليت وقلبي انشرح
هاصوم واجاور حور
جبر الخواطر دا غالي
بيملى قلبك تسامح
معاه تطير ف العلالي
وتنام ضميرك مسامح
حام النسيم .. بالطيب
على روحي بيرفرف
شايل روايح .. الحبيب
سيدنا النبي . الأشرف
خفف ذنوبك وروح
إدعي الإله وانت تايب
بابه الكريم مفتوح
يغفر ذنوب اللي تايب
درويش وحابس مطامعي
باتبع صلاتي ...... وآذاني
والطيبه عرفي . وطبعي
وباسامح اللي .... آذاني
ذنوبنا تقلت ع الكتاف
والسكه تاهت عن عينينا
يارب واهدينا ... العفاف
يارب غفرانك ...... علينا
رتل القرآن ... ياشيخنا
متعني ماليني ... الشوق
هاأدي فروضي واتمنى
أزور البيت وبالي يروق
زقزق العصفور مابينا
لما هل هلال جمالك
شد وتر العود وغنى
والعيون صامت عشانك
سامح حبايبك وأهلك
وافرد شراعك عليهم
وإياك تغير مبادئك
واملى بحنانك واديهم
شوقي قايد جمر نار
هايم بقلبي .... وأحواله
مشتاق لأنوار .. المختار
واملي عيني . ب جماله
صاحب كريم الناس
هايكون ضيا لعينك
لو ملت وسط الناس
هايميل ..... وهايعينك
ضاعف الحسنات وزيد
لو كنت عايز تبني جاه
إبدأ حياتك من جديد
سنة نبينا طوق .. نجاه
طبعا كلام العتب محلاه
بين الحبايب والرك النيه
قدم الخير وسيبها لله
حتى الحجر هايلين ويجي حنيه
ظنون الناس ..... دبحتني
وظنوني مينا .. ومراسي
حطت عليها .... ...مراكبي
ورميت عليها ..... أساسي
عشان ماتهدى الروح تنام
عشنا نحلم ....... بالوفا
ولاجل يملانا ...... السلام
محتاجين حبة ....... صفا
غلبني شوقي ........ للجنه
فقلت اتحنى ....... بصيامي
وأروح دنيتي ....... التانيه
والآقي الحور ........ قدامي
فاحت نسايم ....... رحمتك
عطرها عشش في ... روحنا
نامت في قلبي ...... محبتك
وطلتك داوت ...... جروحنا
قلوبنا حنت ........ للحبيب
شفيعنا وضاء ........ الجبين
ياشهر رمضان لو .. تغيب
لنور هلالك ..... مشتاقين
كتابي في قلبي قرآني
وحب الرسول جوايا طاعه
طاعه مبدوره ف كياني
طارحه على وشي الوداعه
لملم مراكب .... رحلتك
واغزل الأوجاع ... شراع
جدف وكمل ...... سكتك
واياك تفكر في اللي ضاع
مد جوا النوا ...... خاطر
كلمتك في الحق .. زاد
نيتك جبر ....... الخواطر
زرعتك تطرح ....... وداد
هد سور الخوف وسجنك
ترحل الأحزان ....... تغور
صلى فرضك وأرضى ربك
تلقى ليل الضلمه نور
واحة نبينا خيرها لينا
فاصنع المعروف في ناسك
يرضى عنا ....... وينادينا
نحج ونأدي .......المناسك
يمم علينا ...... محبتك
بعدك حياتنا ..... مقفره
وازرع قلوبنا .... برحمتك
تطرح مابينا ... المغفره
سايباني مني ..... لعلامك
قولك من أصل ابوك
م الغالي نقي كلامك
واكرم جناب اللي ربوك
سايباني لشريف العرض
وصان شرفنا .... وعيالنا
وزاد كمان ...... الأرض
لاباع ولا تاجر .... بدينا
سيباني .. وإيه يعني
بلدي وعاشق .. ترابها
توجعني مهما توجعني
واحرس بروحي عتابها
سيباني وحضنك حنان
ودمي عجنه ... بترابك
أبني سواتر .. أمان
واحرس بروحي عتابك
سيباني وقلبك دليلك
لناس قلوبها .... أمينه
حراس لشمسك ونيلك
شهاده قالها .. نبينا
سيباني سيبي ولايهمك
هاحميكي مكر .. الديابه
أنا أصلي معنى بهمك
ميت في حبك صبابه
سيباني للي ... شبعان
لاجاع ولا مد ..... إيده
ضهري له ضهر لو تعبان
والنخل ضله ف جريده
سيباني ل جندي الميدان
والسبع أمره ..... بإيده
يهش الحدادي والغربان
ولا حد فل ....... حديده
سيباني والعبر أشكال
ألوانها بيضا ..... وسودا
وشوفت اللي حمل شال
خفيفه ياحمل الفريضه
باب الوداد .... صدى
وقلبي حالف يراضيه
دلوني ياهل الموده
حبيبي فين أراضيه
باب الوداد مسحور
والقلب م الهجر ... مات
ونور الصبايا ... الحور
بيدور وليهم ... علامات
باب الوداد ....... بابي
مفتوح مالوش ... اقفال
لو يجوا ........ أحبابي
هاغني 100 ..... موال
باب الوداد ........ حنه
والورد ليه ....... غيران
مايجي ............ يتحني
دا الجنه ...... بالغفران
باب الوداد .. مسافات
وشوقي ليه .. جابني
والقلب ليه .... وقافات
سلمت له ........ صابني
باب الوداد ........ تايب
بنادي قلبه ....... بلاغيه
وقلبي حبك .. ماتايب
زي الحمام بلا ...... غيه
باب الوداد اللي .. دايب
كتير حبايب ..... فاتوه
تايهه وماشيه .. الركايب
لو غاب دليلك .. تتوه
يابلدنا مدى ...... إيدك
لملمي هموم .. السنين
واسمحيلي أكون حبيبك
دوبت ياما من .... الحنين
يابلدنا أنا عيدي ... عيدك
وإنتي عيدك طرحه فين
م الهموم لابسه لي توبك
وتوب الفرح لبساه .. لمين
يابلدنا شدي ..... حيلك
وارجعي أجمل ...... صبيه
لونيني بورد ......... نيلك
واستحمي في نور عينيا
يابلدنا يالا ........ فوتي
الزمن واقف ..... حداكي
بالنشيد ويعلى .... صوتي
مشتاقين نسمع ... نداكي
إحسبوا دموع .... الخلايق
والشقوق ع الخد .... نهر
في القلوب قايده الحرايق
والعيون مسكونة .... قهر
احسبوا الأيام في ... عيني
مره ضحكه ..... ودمعتين
ومرتين زايد ........ أنيني
ع السكه تاهوا .. وحيرانين
إكتبوا حروفكم .... بحكمه
كلمه كلمه نعلي سور
والسعاده ف بطن كلمه
والحروف في الضلمه نور
احسبوا الأحزان في دمي
قولولي بكره شكله إيه
جاي غناوي يداوي همي
ولا ناوي يزيد عليه
إحسبوا الأحلام في ذاتي
وافردوها سحابه فوق
ضفروها من ..... صفاتي
واحضنوا الأفراح بشوق
ياعم شاور ........ وسلم
مشتاق ياعم ...... لسلامك
لو مره شوفتك .... مبلم
هاصنع بروحي ... سلامك
البت سايقه .... ف دلالها
حويت ياجي ميت حوايا
عشان لما تاجي أشيلها
ف نن عيني .... وحشايا
ع الخد .......... غمازتين
نظرة عينيها ...... مرعبه
وانا بس مخضوض حبتين
درجة حرارتي ... ملهلبه
هاوصف في حبك واعيد
وازيد حكاوي وغناوي
ملكتي روحي ........ أكيد
زادت جروحي .... تعالي
هاوصف في حبك حناني
رماني صدك ....... قتيل
إمتى يوافق ...... زماني
على قدي قدك يميل
هاوصف ف حبك هيامي
وقلبي ف غرامك شريد
لو تبقى حبل إعدامي
هاموت في حبك شهيد
هاوصف ف حبك واهاتي
أنا أصلي دايب صبابه
واقف ببابك ..... يوماتي
توصف حكايتى الربابه
هاوصف ف حبك وادوب
يادوب حروفي .... تكفي
ياما دابت عشانك قلوب
هاتوب لو تاخدي بكفي
باوصف في حبك بدمي
شرياني واصل وريدك
يابت رقي ........ وحني
من صغري قلبي يريدك
هاوصف لأهلي وناسي
قايده مشاعري عشانك
هادوب واعافر وآآآسي
وانول مرادي بوصالك
أوصف في حبك هوايا
ياشايفه حالي بعينيكي
تعالى حضنك ...... دفايا
وافرد جناحي عليكي
باوصف جمال اللي جابك
جمالك ملوهش .... مثيل
رماني عقلي .... وجالك
وصالك يداوي ..... العليل
باوصف جمالك ... بعيني
وعيني بعدك ... ماشافت
ولما غيبتي ..... وجيتي
غضت بصرها وخافت
زايد في قلبي .. الوجد
فيه الحكاوي .... كفايه
ملهوف عليكي بجد
خليتي عيني ف قفايه
محبوب وفايق بطبعي
مشكلتك انك عبوسه
مطلوب ياحلوه ... تحني
وتفارقي زمن العنوسه
باغزل في حبك قماشي
محتاج ياحلوه لمقاسك
هواكي جاي ولا ماشي
دليني على أهلك وناسك
باعمل في حبك محاوله
وانا صبري فاق الحد
وجوله ورا ....... جوله
لقيتني حيلي ....... اتهد
وقعني حبك في ورطه
طويل لساني مايسكت
طلبتي سلمون وقشطه
واخبزلك بإيدي المشلتت
بانخل في حبك مشاعري
واحرق عشانك .... ظنوني
والت واعجن في عمري
وبرضه طاير ...... جنوني
باوزن في حبك دماغي
يابت وعيونك ...... كحيله
سهمك رماني جاب داغي
بلاغي لله ما بيدي حيله
باوزن في حبك اوضاعي
وانا اللي فاكرك أميره
خلطت شايي ... بنعناعي
وشربت خيبتي التقيله
الحلم فارد ........ مداه
قلبك مداين ....... حب
لمسة إيديكي .... حياه
نظرة عنيكي .... قرب
الحرف له ....... معنى
يجمعنا ........ إحساسه
بالحب ........... يرفعنا
لو كنا .......... حراسه
الواو حروفها .... حلال
معناها واسع فسيح
كلامها واعر ..... ياخال
هزت كيان ..... الفصيح
الواو حروفها ... ساميه
بتجمع حبايب ...... كتير
أمراء شعر ..... العاميه
طبليه وخيرها .... وفير
اركب مراكب ... ضميرك
البحر غدار ..... وقاسي
وخلي عشك ..... لطيرك
واعمل له قلبك مراسي
طيرك لو شاف أمانك
يفرح وتحلى ... مشاهده
طمن فؤاده ...... بودادك
واقطف حنانه وشهده
طيرك في عشك خفيف
يسبح في همسة شجونك
بالليل حنين ....... لطيف
والصبح ورد ....... لعيونك
طيب جراحه ...... بإيديك
واجري عليه لو ندالك
ولاحد هيخاف ..... عليك
ولاغيره ويسند حيطانك
إفرد جناحك ....... عليه
وإياك تفارق ...... عتابه
وإن شوفت دمعة عينيه
يسبق حنانك ...... عتابه
إضحك في وشه ولاغيه
يفتح لحضنك ..... رحابه
م البرد حاجي ..... عليه
يفرد لحرك ...... سحابه
روض في طيرك وحاسب
تكسر ضلوعه بغرورك
للرحلة مركب وقارب
والعقل دفة ..... مرورك
الضلع منك ........ وليك
وانت اللي عارف تمامه
كسره وسلامه ف إيديك
مادمت ماسك ..... لجامه
إن ميلت ميل بس حبه
وارجع بسرعه .... راضيه
بالود تغلى ....... المحبه
ويلين عشانك ..... عاصيه
حاسب عيون .. الحدادي
وامشي الخطاوي بحساب
طبطب وهنن ... ودادي
واعمل لطيرك .... حجاب
إسهر عشانه .... ولاعبه
أنا أصلي فاهم ودارس
خليك تملى ف ملاعبه
فرود وهداف وحارس
أبدر غيطانه ب مشاعرك
واروي عطشه بحنانك
خليه حروفك وشعرك
وأول قصيده ف ديوانك
النهج سنة ......... نبي
يخرس لسان ...... اللئيم
هو نجاتي ..... ومكسبي
ألفين صلا ......... وتسليم
الصبر مل من الوجع
والظلم طعمه ... مرير
وانا اللي راجل جدع
قلبي لعيوبهم ..... بير
ياصبر خود لك مرتجع
أصبر على جور القرايب
حبل المودة لو اتقطع
سهم العدا للقلب صايب
بحر الدموع لو سايح
ممكن بضحكة ... يجف
لما القلوب ... بتسامح
جرح الأسية .... يخف
ماشيه البنيه ..... بدلال
صفصافه طرحت ورايق
القد زايد .......... جمال
والشعر سايح ... ورايق
ماشيه البنيه ...... بدلع
عشش دلعها ف دماغي
بصت لي قلبي ... اتخلع
والسهم صابني جاب داغي
ماشيه البنيه ... الخطاوي
رنتها في القلب شقه
يخرب شيطان اللي غاوي
عشق البنته ........ مشقه
ماشيه البنيه ..... بإشاره
وانا قلبي م العشق فايق
عدت وسابت .... شراره
قادت في راسي الحرايق
ماشيه البنيه ..... بهيام
عينيها حلوه ...... وكحيله
حرمت عيوني ..... المنام
بلاغي لله مابيدي حيله
ماشيه البنيه بلا ..... هم
والضحكة غنوة ..... ربابه
أرأف بحالي ......... ياعم
أنا أصلي عاشق صبابه
ماشيه البنيه في عيوني
ع الرمش راكبه جملها
هجروني ناسي وباعوني
شافوني عاشق جمالها
ماشيه ف حواري البلد
كن الغفير يبقى خالها
لو كان مرادها السند
انا برضه ......... خيالها
ماشيه البنيه ... بحلقها
زاينه الأساور ..... إيديها
سبحانه ربي ...... خلقها
ودلى قلبي ....... عليها
قلب البنيه دا خارطه
مرسومه رسمه ياخال
الكحل ف عينيها شرطه
والشامه ع الخد خال
خبوا الرجوله ف يم
حاجوا عليها .... عزوها
لو زاد علينا ........ الهم
وقت الضيم هانعوزوها
جرح الأسيه ......... زم
سدوا العيوب رمموها
سهم اللسان جه ذم
خلى البنات عار لابوها
زرع الامانه زاد .... عم
عبوا الحواصل .... ملوها
لو جت عجاف الغم
تلقى السنابل سابوها
إكتب بدمع ........ الألم
الطيبه ليه ........ عيبوها
وبإيه يفيد .......... الندم
لما البيوت ....... هدموها
من بعد ابوك قول ياعم
شدوا الحبال وصلوها
مدوا الإيدين قوم ياعم
صحوا القيم ...... أصلوها
ل اختلاف في الطبع وارد
فخلي فيك النخوه ...... غيه
لو ميت هفيه ف جمع واحد
هتبقى واحد يسوى .... ميه
واحنا ذكرى وخيط سراب
مهما غيبنا راح ...... نعود
إتخلقنا من .............. تراب
وفي التراب هايكلنا دود
الطمع في الخلق .... هادم
وانت نسل أمك ......وابوك
شوف قابيل م الذنب ...نادم
إتعظ من فعل ....... أخوك
عاشوا قبلك ياما ...... ناس
واللي باقي حكاوي عنهم
إللي منهم زي ........ ماس
واللي ينداس برضه منهم
ليه تكابر يابن .......... آدم
وانت معيوب ........ بالوراثه
الشيطان زيك ........ مانادم
وانت سايق في ... الغلاسه
لو تربى ولد ......... غيرك
يبقى عقلك مش ...... تمام
ربي كلبك يحمي .... طيرك
يحرسك والناس ........ نيام
شوف بقلبك قبل .... عينك
حس حال الناس .... وطيب
صلى فرضك واحيي دينك
واسعى بالمعروف تطيب
عشان مازرعك ....... يزيد
يحتاج لغالي ...... التقاوي
دا البيت ببابه ...... الحديد
تهابه لصوص ....... الليالي
إياك تغير ........... مبادئك
وتنسى أصلك ...... تضيع
وتبيع ودادك ........ وعهدك
يفرح في ميلك .....وضيع
لو هتطلع بره ...... جلدك
يبقى تتحمل ......... ذنوبك
ليه تقول للواطي سرك
مش هايستر لك عيوبك
كلمتك لو كات .... فصيحه
ترسمك ورد ....... وشقايق
والنصيحه إن جت صريحه
ترفعك بين ......... الخلايق
وابويا عهده كان رفاعي
كان في البلد عالي المقام
كات تخاف منه الأفاعي
وكان وديع زي الحمام
الأب في السكه الدليل
ينصحك لو كنت .... خاطي
والولد لو بان ........ عويل
يبقى أبوه في الأصل واطي
والرجوله مش ......... كلام
والسكوت مش نقص فينا
أبويا كان دكان ....... علام
وكان يبيع الحكمه لينا
قالي حكمه غاليه جدا
فرق بين جاهل وراقي
الديوك للنخوه .......... تدن
والفراخ تزعل ....... تكاكي
وقالي صاحب في الطريق
الصديق هايحلي...... دربك
ضحكه حلوه تبل ..... ريق
والنوايا في علم ..... ربك
يوسف يانبراس ..... الورع
الغدر طعمه .......... مرير
إزاي داريت ......... الوجع
لما رموك في ....... البير
قومي يامه وارقي شادي
زي جدو وجدو .... منك
شادي طير سارح وشادي
بكره يكتب زيي ...... عنك
عدت سنينك زي بسمه
بس سابت فيا ...... شي
روحي طايره زي نسمه
راسمه خيط الضلمه ضي
والحنان مش .... بالعلام
والمظاهر بس ..... نزوه
والمحبه ........... بالهيام
والأمومه كيان وعزوه
مدي إيدك ........ لملمينا
حضنك الطيب ........أمان
أدبينا ..............وعلمينا
قسوتك جنة .........حنان
إقرصي وداني بضوافرك
إجرحي وسيبي ... علامه
عمري يامه مانسى فضلك
حتى جرحك فيا ..... هامه
شالت إبني في حجرها
وامي لسه جنه طارحه
وابن إبني في حضنها
على حسها نايم بفرحه
واخده حس الدار حبيبتي
ولسه بتعاتب ...... غيابي
بعد سهري وبعد غيبتي
قاعده صاحيه حارسه بابي
لما انادي واقول عيالي
وقت مابتزيد ...... جراحي
يعلى صوتها تقول ياغالي
ليه تنادي وقلبي صاحي
وقت تعبي كنت أشوفك
والرجا ملو ...... العيون
والدموع شقيين خدودك
زي نهر بيروي كون
ليه تداري عني دمعك
فاكره يامه ابنك اناني
نبضي واصل نبض قلبك
وقلبي سامعك لو تعاني
هدى سور الخوف وعدي
شدي عودك ماتناميش
إفردي قلوعك .... ومدي
ضهري شطك متخافيش
بين سكوتك 100 حياه
والزمن واقف ... حداكي
دعوتك في الشده جاه
سمعيني صوت ... نداكي
ماتقوليش العمر ... فات
لسه يامه الفجر جاي
إضحكي وهدي السكات
ضحكتك في الحر في
إشحني بحبك مشاعري
وابدري في قلبي حنانك
تطرح الأفراح في عمري
واكتب الأشعار عشانك
سيبتي فينا العزة منك
ياللي حمدك كان عباده
ولامره يامه شاكيتي همك
كنتي واحه ....... للسعاده
العيشه غليت في دورك
والفرح ليه بس هارب
أصبح عشانا ... فطورك
جوع الغلابه ... ك هارب
العيشه غليت في دورك
لفيتي فقري ف منابي
سقياني مرك ... وجورك
واللحمه كلها ... المرابي
العيشه غليت في دورك
قالوا لي الدوا سلطان
بدرت غيطي ببذورك
طلع الحصاد سرطان
العيشه غليت في دورك
والساقيه حلفت مادايره
أفاعي سكنوا جحورك
وكلابهم حوالينا .... دايره
العيشه غليت في دورك
حكمتي فينا ....... الديابه
حرمونا نسمة بحورك
والأرض طرحت ... كآبه
العيشه غليت في دورك
لميت ظنوني اللي خابت
فرحت غيلانك .... بزورك
شوفتك صبيه وشابت
العيشه غليت في دورك
ونابني إيه غير هبابك
والضلمه غلبت ف نورك
حلفت لاهجر ....... عتابك
العيشه غليت في دورك
والبطن صرخت ..... جعانه
دخلنا ضلمة ........ قبورك
وخاب أملنا ....... ودعانا
العيشه غليت في دورك
صليت عشانك ... دعيت
ندهتي أخضر في بورك
لبيت نداكي ........ وجيت
دي العيشة غليت ،يافايزه
وانتي البعيده بلا .... دم
جيوبي فضيت .... وعايزه
سقياني كاس ........ الهم
دي العيشه غليت مراحل
والإيد يافايزه ..... قصيره
والهم عشش .... ما راحل
نايم معاي ... ع الحصيره
دي العيشه غليت مسافات
ومعادش صحه تجاريها
ياما شالت كام مسا فات
هموم وتقلت ....... عليها
دي العيشه غليت خلاص
والناس ما لاقيه غداها
خايفه ودعاها الخلاص
يكفيها يومها .... وغداها
دي العيشه غليت ياعم
عايشين يادوب ع الكفاف
نشف الوريد ...... م الدم
والهم زاد ....... ع الكتاف
دي العيشه غليت ياخال
والرحمه راحت ...... فين
ومنين نجيب ....... المال
ومنين نسد ......... الدين
دي العيشه غليت ياعين
وقلوبنا عاصيه ماتابت
والجوع دا كافر لعين
والجته م الهم دابت
اللي مريض .... بالهوي
آآآآهين ........... وياويله
في ناره قلبه استوي
تايه في .......... تأويله
اللي مريض .. بالهوي
مغلوب على ..... أمره
في بير عذابه .. هوى
بإيديه مسك .... جمره
شاف التاريخ ... أشكال
شاف التاريخ ... ألوان
لكنه لما ........... كتب
كتب العويل ..... إنسان
وإياك تميل ..... للعويل
ماتكولش من .... قدره
تعمل عشانه ... الجميل
يسقيك مرار .. غدره
إياك يغرك ......... وشه
أو كتر ....... ...... عجابه
بكره يبان لك ..... غشه
والسم من ......... نابه
ناعم كما ......... الحيه
لابس قناع .. .... خداع
المكر فيه ......... غيه
طبع العويل ...... بياع
له مله غير .... المله
لاشرع له ولا ... دين
بين البشر ........ قله
مفطوم على .. التخوين
وقت الصلا ...... يجري
كأنه شيخ ...... جامع
وقت الحقوق يهري
بيصد ........... ويمانع
تنصح ماتنصح ..... فيه
عامل لسان..... جزمه
ضميره ميت ... فيه
عايش مالوش .. لازمه
إسأل ياعم ........ عليه
من قبل ... ماتحاسبه
وان قالوا روحك فيه
إبعد ...... ولا تناسبه
ياموج البحر .. ياصابر
أنا زيك وكلي هموم
ف وسط النوا بتعافر
وانا صابر على المقسوم
ياموج البحر ... يا هايم
غريق في العشق رسيني
لا صاحي ...... ولا نايم
مجروح والجرح كاويني
ياموج البحر انا مليت
تعبت وتوهت ف الزحمه
عشت كتير وما تهنيت
وجايلك طالب الرحمه
ياموج البحر .... ياعايم
أنا التايه .... ف تأويلي
كفاية عليا ..... تتعازم
يا تهدي .... ياترميني
ياموج البحر انا زيك
شكلك في شكلي يبان
لا تلومني ...... ولا اعاتبك
دوبنا من ...... الأحزان
ياموج البحر ماتحاسب
بتتعاجب بحبة .... ريح
نفسي شوية .. نتعاتب
مانتغالب نكون مجاريح
ياموج البحر ... وديني
لمحبوبي وزاد .. الشوق
وصلني إليه .. وعديني
يهنيني وبالي .. يروق
ياموج البحر ... يارايق
تحلالي ويحلى العوم
أنا زيك كمان عاشق
ومفارق جفاني النوم
إن قلت حبيبتي زي الورد
ألاقي الورد .......... يتمايل
وان قلت حبيبتي زاد الوجد
تقول لي ومالو .... تستاهل
مانيش عارف ..... أراضيها
وانا العاشق .... لأوصافها
وباعدت عني ...... أراضيها
وقلبي يحن لو ..... شافها
وأمد إيديا .......... لإيديها
عشان تهديني ..... أشواقها
وتيجي عنيا في ... عنيها
تقولي ظنوني .... صدقها
واكدب روحي ...... واهديها
طريق لجروحي ...... تلحمها
واقول يمكن .......... تداويها
وتشفيها ............ وترحمها
وأمل اللقيا .......... يطفيها
ناري القايده ....... علشانها
وسهد عيوني ........ يكفيها
نظرة عين تكون منها
لو ضلك جه على ضلي
هابعت لك شوقي ...... هيام
وان غاب عنك فسر لي
أنا دايب في ..... الأحلام
لو ضلك جه على ضلي
هارسم لك روحي حدود
وافتح لك بابي ..... ياخلي
وازرع لك قلبي ... ورود
لو ضلك جه على ضلي
هاغزل من شوقي الطرحه
وازرع لك وردي وفلي
وابدر على بابي الفرحه
لو ضلك جه على ضلي
هاغمض عيني ....... عليك
وأطير والحلم ...... يشلني
واسرح على رمش عينيك
مش كل العقول من نور
ولا كل القلوب ....... طيبه
فيه ناس بتشهد .... زور
وناس تكره .......... العيبه
مش كل من قال صدق
ولا كل من سكت كداب
فيه ناس سكوتها دهب
وناس كلامها ... . هباب
لكل كيف ........... صنف
وصنف العويل ..... حافي
بخيل كما .......... الحلف
ولا طرحه .......... بيوافي
الفقر مش ........... عيب
ولا الفقير ......... معيره
العفه تملى ....... الجيب
والندل تغنيه ....... مره
إوعى تسأل عن خسيس
أو يغرك يوم .. كلامه
إبعده وخليك .... حسيس
زي أبوه معروف تمامه
إللي باع نفسه رخيص
مستحيل هايشيل أمانه
واللي بيصاحب خسيس
يرتضي ذل ..... المهانه
لو تشوفه تقول دا شيك
ساب عصمته في إيد المره
هو اللي يتجوز .... بشيك
يبقى إيه غير....... مسخره
النطاعه ساكنه ....... دمه
والشعور ميت ... أكيييييييد
والكرامه غايبه ....... عنه
تجرحه ينزل ........ صديد
عاش حياته زي .... تيس
روح شمال روح .... يمين
زمبلك زي ......... الفتيس
عادي خاااالص ... مستكين
الرجولة ان كات مبادله
هارتضيها وابيع حياتي
وتبقى بعدي في المعادله
عزوتي في غربة مماتي
مش كل خال ....... والد
ولا كل صاحب ...... سبع
بيع الضمير ......... وارد
واسأل عويل ...... الطبع
فيه خال ............ يعزك
وخال يوزك ع الخطيئه
لو مال .......... يشدك
ويخلي سيرتك ... بذيئه
وخالي مات وكان حياتي
يارب طيب .......... ثراه
رفع شاني وعلى ذاتي
عزه ... وكرامه .... وجاه
بحبك حب مش عادي
ومش راضي يسيبني أنام
بحبك والهوى ...... قاضي
لا انا إفراج ... ولا إعدام
بحبك حب ....... متواصل
ومش فاصل وبعده نعود
بحبك والهوى ...... فاصل
مانتواصل وباني .. سدود
بحبك حب مش معقول
ومش معسول ولا كداب
بحبك والهوى مشغول
ومش فاضي يرد جواب
بحبك حب مش جبار
ومش سحار ولا بحجاب
بحبك والهوى ..... غدار
ومش راضي نكون أحباب
بحبك حب مش زايف
ومش شايف سواكي حد
بحبك والهوى ..... واقف
مابين قلبي وقلبك سد
اللقا ف إدينا عود
لما تفرح يوم قلوبنا
اللقا يرمي .... الوعود
والحروف تنظم قصيدنا
اللقا مابينا .... طارح
زي نوار ... الأراضي
لما يجي الفجر سارح
تلقى خد الورد نادي
اللقا مابين ... عيونا
صمته أقوى م الكلام
والمشاعر فيها دوبنا
والقلوب طارت هيام
اللقا لو يوم يعاند
الأمل جوانا .... حي
حبنا أقوى ..... وصامد
لاجل بكره يجي ضي
اللقا ما بينا .... حاير
زي رزق غاب شويه
لما يجي يجي طاير
زي جوز حمام في غيه
واتقابلنا .... بالشجون
والشجون قال الكلام
والكلام بان في العيون
والعيون نطقت هيام
والهيام مال ع الجفون
الجفون قالت ...... ننام
ف المنام حبة سكون
والسكون راحه وسلام
ياحلم عمري .... بلاش
تفتح جروحي الضعيفه
العمر عدى ...... بلاش
وعيوني بعدك كفيفه
وحلم عمري .. ما جاش
والنسمه منك خفيفه
وليه تبيعني ..... بلاش
والروح في حبك عفيفه
ياحلم عمري .... وطار
ياحظ ليه بس عاصي
دموعي نازله أمطار
تغسل جبال المعاصي
ياحلم عمري .... تعالى
وشوف بعينك احوالي
كفايه عليا ..... تتعالى
وكن سميري وحلالي
ياحلم عمري .... ياجامد
زي الحديد ... الفولاذ
زايد في صدك معاند
وانا قلبي أصلاً . قزاز
ياحلم عمري ... البعيد
مشتاق زيارة .... جنابك
انا جايلك واللقا .. عيد
افتح وخدني ف رحابك
بعيوني واقف أشاهدك
موصوف لعيني تشوفك
وادوق حنانك ... وشهدك
واموت لو غيري يشوفك
نفسي أغازل مشاعرك
وانام في قلبك أسير
دهب ده ولا شعرك
نازل جدايل .... حرير
قصدت عمك ... وخالك
م الغالي مهرك قالولي
هاجيبه يروق .. بالك
نياق حمرا ... ولولي
وصفولي درب المهالك
قالولي طلبك .... فيه
هامشي عليه لو هالك
وعد الحبيب .. أوفيه
طلعت ماشي مادارك
خطين عيونك .... دليل
مكتوب دوايا ف مدارك
جايلك وقلبي ... عليل
الواو أساسها صروحي
حروفها نسمة هوايا
جناسها عشش ف روحي
نغمها عندي ... غوايه
الواو مازوره ومقاس
باقيس عليها جناسي
وحب ناسي . أساس
وكاس يناسب مقاسي
الواو شادوفي وفاسي
وأرضى عاشق ترابها
غلتها دهبي وماسي
حصادها غالب .. عذابها
الواو وداير .. مدارها
وزهر سعدي وهنايا
دوباره تخدم جوهارها
ف تقفل مربع معايا
الواو عساكر .... درك
تطوي ف حماها الزغابه
يهرب شيطان .... البرك
وتعمل حسابها الديابه
الواو رفارف ... جناحي
خلتني عالي .... الراس
حروفها تشهد كفاحي
جوا الضمير نبراس
أول مانبتدي اليوم
يارب طهر ..... قلوبنا
وعينا لأجل ... نصوم
واستر لنا .... عيوبنا
بانت بشاير الرحمه
صومنا ...... وصلينا
وقلوبنا اهي مسامحه
يارب ........ واهدينا
تابت قلوب ... الناس
واتسلسلت شياطين
ونوينا ...... بالإخلاص
نرفع عماد الدين
ثواب وبابه اتفتح
في شهر رحمه ونور
صليت وقلبي انشرح
هاصوم واجاور حور
جبر الخواطر دا غالي
بيملى قلبك تسامح
معاه تطير ف العلالي
وتنام ضميرك مسامح
حام النسيم .. بالطيب
على روحي بيرفرف
شايل روايح .. الحبيب
سيدنا النبي . الأشرف
خفف ذنوبك وروح
إدعي الإله وانت تايب
بابه الكريم مفتوح
يغفر ذنوب اللي تايب
درويش وحابس مطامعي
باتبع صلاتي ...... وآذاني
والطيبه عرفي . وطبعي
وباسامح اللي .... آذاني
ذنوبنا تقلت ع الكتاف
والسكه تاهت عن عينينا
يارب واهدينا ... العفاف
يارب غفرانك ...... علينا
رتل القرآن ... ياشيخنا
متعني ماليني ... الشوق
هاأدي فروضي واتمنى
أزور البيت وبالي يروق
زقزق العصفور مابينا
لما هل هلال جمالك
شد وتر العود وغنى
والعيون صامت عشانك
سامح حبايبك وأهلك
وافرد شراعك عليهم
وإياك تغير مبادئك
واملى بحنانك واديهم
شوقي قايد جمر نار
هايم بقلبي .... وأحواله
مشتاق لأنوار .. المختار
واملي عيني . ب جماله
صاحب كريم الناس
هايكون ضيا لعينك
لو ملت وسط الناس
هايميل ..... وهايعينك
ضاعف الحسنات وزيد
لو كنت عايز تبني جاه
إبدأ حياتك من جديد
سنة نبينا طوق .. نجاه
طبعا كلام العتب محلاه
بين الحبايب والرك النيه
قدم الخير وسيبها لله
حتى الحجر هايلين ويجي حنيه
ظنون الناس ..... دبحتني
وظنوني مينا .. ومراسي
حطت عليها .... ...مراكبي
ورميت عليها ..... أساسي
عشان ماتهدى الروح تنام
عشنا نحلم ....... بالوفا
ولاجل يملانا ...... السلام
محتاجين حبة ....... صفا
غلبني شوقي ........ للجنه
فقلت اتحنى ....... بصيامي
وأروح دنيتي ....... التانيه
والآقي الحور ........ قدامي
فاحت نسايم ....... رحمتك
عطرها عشش في ... روحنا
نامت في قلبي ...... محبتك
وطلتك داوت ...... جروحنا
قلوبنا حنت ........ للحبيب
شفيعنا وضاء ........ الجبين
ياشهر رمضان لو .. تغيب
لنور هلالك ..... مشتاقين
كتابي في قلبي قرآني
وحب الرسول جوايا طاعه
طاعه مبدوره ف كياني
طارحه على وشي الوداعه
لملم مراكب .... رحلتك
واغزل الأوجاع ... شراع
جدف وكمل ...... سكتك
واياك تفكر في اللي ضاع
مد جوا النوا ...... خاطر
كلمتك في الحق .. زاد
نيتك جبر ....... الخواطر
زرعتك تطرح ....... وداد
هد سور الخوف وسجنك
ترحل الأحزان ....... تغور
صلى فرضك وأرضى ربك
تلقى ليل الضلمه نور
واحة نبينا خيرها لينا
فاصنع المعروف في ناسك
يرضى عنا ....... وينادينا
نحج ونأدي .......المناسك
يمم علينا ...... محبتك
بعدك حياتنا ..... مقفره
وازرع قلوبنا .... برحمتك
تطرح مابينا ... المغفره
سايباني مني ..... لعلامك
قولك من أصل ابوك
م الغالي نقي كلامك
واكرم جناب اللي ربوك
سايباني لشريف العرض
وصان شرفنا .... وعيالنا
وزاد كمان ...... الأرض
لاباع ولا تاجر .... بدينا
سيباني .. وإيه يعني
بلدي وعاشق .. ترابها
توجعني مهما توجعني
واحرس بروحي عتابها
سيباني وحضنك حنان
ودمي عجنه ... بترابك
أبني سواتر .. أمان
واحرس بروحي عتابك
سيباني وقلبك دليلك
لناس قلوبها .... أمينه
حراس لشمسك ونيلك
شهاده قالها .. نبينا
سيباني سيبي ولايهمك
هاحميكي مكر .. الديابه
أنا أصلي معنى بهمك
ميت في حبك صبابه
سيباني للي ... شبعان
لاجاع ولا مد ..... إيده
ضهري له ضهر لو تعبان
والنخل ضله ف جريده
سيباني ل جندي الميدان
والسبع أمره ..... بإيده
يهش الحدادي والغربان
ولا حد فل ....... حديده
سيباني والعبر أشكال
ألوانها بيضا ..... وسودا
وشوفت اللي حمل شال
خفيفه ياحمل الفريضه
باب الوداد .... صدى
وقلبي حالف يراضيه
دلوني ياهل الموده
حبيبي فين أراضيه
باب الوداد مسحور
والقلب م الهجر ... مات
ونور الصبايا ... الحور
بيدور وليهم ... علامات
باب الوداد ....... بابي
مفتوح مالوش ... اقفال
لو يجوا ........ أحبابي
هاغني 100 ..... موال
باب الوداد ........ حنه
والورد ليه ....... غيران
مايجي ............ يتحني
دا الجنه ...... بالغفران
باب الوداد .. مسافات
وشوقي ليه .. جابني
والقلب ليه .... وقافات
سلمت له ........ صابني
باب الوداد ........ تايب
بنادي قلبه ....... بلاغيه
وقلبي حبك .. ماتايب
زي الحمام بلا ...... غيه
باب الوداد اللي .. دايب
كتير حبايب ..... فاتوه
تايهه وماشيه .. الركايب
لو غاب دليلك .. تتوه
يابلدنا مدى ...... إيدك
لملمي هموم .. السنين
واسمحيلي أكون حبيبك
دوبت ياما من .... الحنين
يابلدنا أنا عيدي ... عيدك
وإنتي عيدك طرحه فين
م الهموم لابسه لي توبك
وتوب الفرح لبساه .. لمين
يابلدنا شدي ..... حيلك
وارجعي أجمل ...... صبيه
لونيني بورد ......... نيلك
واستحمي في نور عينيا
يابلدنا يالا ........ فوتي
الزمن واقف ..... حداكي
بالنشيد ويعلى .... صوتي
مشتاقين نسمع ... نداكي
إحسبوا دموع .... الخلايق
والشقوق ع الخد .... نهر
في القلوب قايده الحرايق
والعيون مسكونة .... قهر
احسبوا الأيام في ... عيني
مره ضحكه ..... ودمعتين
ومرتين زايد ........ أنيني
ع السكه تاهوا .. وحيرانين
إكتبوا حروفكم .... بحكمه
كلمه كلمه نعلي سور
والسعاده ف بطن كلمه
والحروف في الضلمه نور
احسبوا الأحزان في دمي
قولولي بكره شكله إيه
جاي غناوي يداوي همي
ولا ناوي يزيد عليه
إحسبوا الأحلام في ذاتي
وافردوها سحابه فوق
ضفروها من ..... صفاتي
واحضنوا الأفراح بشوق
ياعم شاور ........ وسلم
مشتاق ياعم ...... لسلامك
لو مره شوفتك .... مبلم
هاصنع بروحي ... سلامك
البت سايقه .... ف دلالها
حويت ياجي ميت حوايا
عشان لما تاجي أشيلها
ف نن عيني .... وحشايا
ع الخد .......... غمازتين
نظرة عينيها ...... مرعبه
وانا بس مخضوض حبتين
درجة حرارتي ... ملهلبه
هاوصف في حبك واعيد
وازيد حكاوي وغناوي
ملكتي روحي ........ أكيد
زادت جروحي .... تعالي
هاوصف في حبك حناني
رماني صدك ....... قتيل
إمتى يوافق ...... زماني
على قدي قدك يميل
هاوصف ف حبك هيامي
وقلبي ف غرامك شريد
لو تبقى حبل إعدامي
هاموت في حبك شهيد
هاوصف ف حبك واهاتي
أنا أصلي دايب صبابه
واقف ببابك ..... يوماتي
توصف حكايتى الربابه
هاوصف ف حبك وادوب
يادوب حروفي .... تكفي
ياما دابت عشانك قلوب
هاتوب لو تاخدي بكفي
باوصف في حبك بدمي
شرياني واصل وريدك
يابت رقي ........ وحني
من صغري قلبي يريدك
هاوصف لأهلي وناسي
قايده مشاعري عشانك
هادوب واعافر وآآآسي
وانول مرادي بوصالك
أوصف في حبك هوايا
ياشايفه حالي بعينيكي
تعالى حضنك ...... دفايا
وافرد جناحي عليكي
باوصف جمال اللي جابك
جمالك ملوهش .... مثيل
رماني عقلي .... وجالك
وصالك يداوي ..... العليل
باوصف جمالك ... بعيني
وعيني بعدك ... ماشافت
ولما غيبتي ..... وجيتي
غضت بصرها وخافت
زايد في قلبي .. الوجد
فيه الحكاوي .... كفايه
ملهوف عليكي بجد
خليتي عيني ف قفايه
محبوب وفايق بطبعي
مشكلتك انك عبوسه
مطلوب ياحلوه ... تحني
وتفارقي زمن العنوسه
باغزل في حبك قماشي
محتاج ياحلوه لمقاسك
هواكي جاي ولا ماشي
دليني على أهلك وناسك
باعمل في حبك محاوله
وانا صبري فاق الحد
وجوله ورا ....... جوله
لقيتني حيلي ....... اتهد
وقعني حبك في ورطه
طويل لساني مايسكت
طلبتي سلمون وقشطه
واخبزلك بإيدي المشلتت
بانخل في حبك مشاعري
واحرق عشانك .... ظنوني
والت واعجن في عمري
وبرضه طاير ...... جنوني
باوزن في حبك دماغي
يابت وعيونك ...... كحيله
سهمك رماني جاب داغي
بلاغي لله ما بيدي حيله
باوزن في حبك اوضاعي
وانا اللي فاكرك أميره
خلطت شايي ... بنعناعي
وشربت خيبتي التقيله
الحلم فارد ........ مداه
قلبك مداين ....... حب
لمسة إيديكي .... حياه
نظرة عنيكي .... قرب
الحرف له ....... معنى
يجمعنا ........ إحساسه
بالحب ........... يرفعنا
لو كنا .......... حراسه
الواو حروفها .... حلال
معناها واسع فسيح
كلامها واعر ..... ياخال
هزت كيان ..... الفصيح
الواو حروفها ... ساميه
بتجمع حبايب ...... كتير
أمراء شعر ..... العاميه
طبليه وخيرها .... وفير
