ديوان عنقود مشاعرك
( أبدروا الشعر في كياني )
أبدروا الشعر في كياني
عطروه بأجمل معاني
إطبعوا في الكون صفاتكم
إرسموا حدود أمنياتكم
صحوا حلم جميل وفاتكم
وازرعوه يطرح أغاني
أبدروا الشعر في كياني
قولوا تاني وعيدوا تاني
إكتبوا عن هم ناسي
إوصفوا جبال المآسي
واللي يعمل نفسه ناسي
يبقى خاني وخان زماني
أبدروا الشعر في كياني
عطروه بأجمل معاني
حرروا الحرف الأسير
وافتحولوا الباب يطير
لبسوه تاج الضمير
يعلى صوت الحق تاني
أبدروا الشعر في كياني
عطروه بأجمل معاني
( عنقود مشاعرك )
عنقود مشاعرك حلاوه
شوكولاته بالنعناع
صفصافه طرحت طراوه
ياام العيون وساع
رميتي نظره بشقاوه
ف اتغيرت ل وضاع
عنقود مشاعرك ماس
وانا باعشق .... الغالي
جايلك وعالي الراس
يام المقام ..... عالي
قلبك قمر ..... وناس
وهمسه ...... يحلالي
قابليني ... بالإحساس
وانا اغني .... موالي
عنقود مشاعرك ناداني
بعتلي كام مرسال
فتح ورودي نداني
والفجر جاي موال
غمز بعينه .... غواني
خلى حالي ...... حال
وسهمه لما رماني
أنا حن قلبي ومال
عنقود مشاعرك روى
في القلب ياسمينا
هفهف عليها الهوى
نسم على ..... عنينا
نظرة عيونك .... دوا
لحمت جروح فينا
الحب طاب واستوي
طرح الهنا ....... لينا
عنقود مشاعرك حمام
طاير على ...... النيه
طارح في روحي هيام
وقلبي ليه ...... غيه
يغيب ويرجع قوام
يلاغيني ....... ملاغيه
يسقيني شهد الغرام
واسقيه دوا ..... عنيا
عنقود مشاعرك نز
لما اتولد ...... حسك
رق قلبي ...... وفز
من فرحته يضمك
جيت بالربيع واتهز
ضي الأمل منك
رفعت راسي بعز
توبي حروف اسمك
عنقود مشاعرك حود
خبط على ....... بابي
لقيتني عايز .... مدد
يشد ......... أعصابي
لفيت حواري البلد
أنده على صحابي
فرحان وقلبي اتولد
والسعد في ركابي
هاتي عنقود مشاعرك
انا قلبي ..... ع النيه
هاقطف جروح عمرك
وادويها ...... بعنيا
واقعد هنا جنبك
وارويها ....... حنيه
واسكن نعيم قلبك
زي الحمام .... غيه
عنقود مشاعرك جنون
وانا ورده في إيديكي
أطفي نار ..... الكون
لو بس .... تأذيكي
وافرد جناحي حنون
م الشر ..... واحميكي
والبحر لو .. مجنون
هاعوم ...... واعديكي
باحلم ألف ..... الكون
ودفتي ....... عنيكي
وارجع وكلي شجون
وارسى ... ف موانيكي
عنقود مشاعرك دا فرحه
خلاني سباح .... وماهر
وحبيبتي غزاله سارحه
وانا نفسي اكون ساحر
واملك تعويذة الفرحه
كنت اصنع حرير فاخر
واغزلك بإيدي الطرحه
وابني لك بلاد وجزاير
وازرعلك جناين طارحه
عنقود مشاعرك ولع
سخن لي إحساسي
جالي بخفه ودلع
وكنت انا ...... ناسي
سلم على .... وخلع
طبع الجميل قاسي
ناديته يجي امتنع
طير بروج راسي
عنقود مشاعرك نام
في قلبي وعنيه
ولما جاني المنام
قالي دواك هيه
عايقه وماشيه بهيام
بتغني ..... غنيه
طايره زي الحمام
زغلوله .... بنيه
عنقود مشاعرك كتب
ع الشجر .... حرفين
والسعد بينا انكتب
والفرح ملو العين
يام الأساور دهب
والحلق ..... بدورين
قلبك لقلبي وهب
دقاته زاد عمرين
عنقود مشاعرك بلح
واستوى على عوده
جايلك أنا بالفرح
مانتي الهنا ووعوده
ورد الجناين طرح
وفى وزاد ب وعوده
خادني ف حنانه وسرح
والسعد انا مسعوده
عنقود مشاعرك طرح
على الخدود .... نسمات
خادني في حنانه وسرح
عزف الوتر ...... نغمات
حبيت وقلبي .... انشرح
غنى الهوى ..... مقامات
طرح في عمري الفرح
والحزن سابني وفات
( يابنت شيخ البلد )
يابنت شيخ ...... البلد
يالابسه ..... الأرطه
أنا برضه زينة البلد
صيتي وصل طنطا
شوفتك طلبت المدد
كحل العيون شرطه
قلبك حدود ...... البلد
وعيونك ..... الخارطه
يابنت شيخ ....... البلد
ياللي الغفير .... خالك
دايره في حواري البلد
وسايقه في دلالك
شوفتك وقلبي اتولد
من رن ....... خلخالك
لو كنتي غاويه السند
أنا برضه ..... خيالك
يابنت شيخ ..... البلد
إياكي ........ تتعالي
انا عزمي همه وجلد
أنا أصلي م الغالي
أبويا لما ...... اتولد
كان له مقام عالي
أنا عمي زينة البلد
والنخوه بيت خالي
( إللي خانوا )
إللي خان العهد قله
فعله أحقر م الحقاره
والربايه الخايبه عله
فعل فاضح وبجداره
الرجوله لما ...... باعها
هدها وكتر ...... وجعها
عايزه تصرخ قام منعها
لبست الطرحه بمراره
إللي خانوا وباعوا فينا
قتلونا في .... الجوامع
ملعونين من عهد مينا
هدموا حتى ... الصوامع
فوق حيطان البيت ونطوا
لوثوا نيلنا ...... وشطه
شالوا فينا كتير وحطوا
وقفوا ضد الحق مانع
اللي خان العهد أعمي
ملحنا ماتمرش .... فيه
واللي يكره ناسه يعمى
أكلنا يحرم ......... عليه
لما سال الدم .. عادي
وراح يساند في الأعادي
إتوصم بالطبع سادي
غله باين من عينيه
( معنى الرجولة )
معنى الرجولة زمان
في العيله ... واللمه
والقلب كان دفيان
بالخاله ...... والعمه
والحب كان عنوان
لاهل البلد .... عامه
معنى الرجوله صديق
واضح لسانه صريح
يلهفني وقت الضيق
يحميني .... م التجريح
ويكون لي أخ شقيق
يصد عني ...... الريح
يابو الرجوله صنوف
أبدر لنا ....... الفكره
ولف بينا ..... وطوف
عدى لحدود .....بكره
عشش حدانا الخوف
وتوهنا في السكره
معنى الرجولة ولد
يزرع غيطانا ضي
لابس عمامة الجلد
سهران ضميره حي
يصطاد وحوش البلد
ويطوي نابهم طي
خد م الرجوله دليل
واعطي الكريم قدره
وإياك تميل للعويل
ماتكولش من قدره
تعمل عشانه الجميل
يسقيك مرار غدره
أنا قلت الرجوله بجد
في الأصل ..... تربيه
ف اياك تصاحب حد
العيب في ابوه غيه
يعيب ويعدي .....الحد
ولا عنده ....... هميه
أنا قلت الرجوله طبع
موروث عن الأجداد
وابن الرجوله ... سبع
متين كما ...... الأوتاد
يخدم فقير ...... الربع
ويخاصم ...... الأسياد
أنا قلت الرجوله عدل
وكفتين ... في ميزان
والندل يفضل .... ندل
لو ساد ف ناسه وزان
تلقاه قليل .... العقل
ويبدل ........ الأوزان
يابو الرجوله حود
إصنع سلام ناسك
أنا أصلي متعود
تملاني ..... أنفاسك
غني النشيد ردد
دا الهمه نبراسك
والقلب ....... متقيد
محتاج ... لإحساسك
أنا قلت الرجوله فاس
تبوس جبين ..... الارض
تطرح ياقوت على ماس
وتصلي بينا ..... الفرض
تطلع قمر ....... وناس
تسهر تصون العرض
أصل الرجوله ف أهلي
بنوها ليا ....... أساس
لو غيبت ...... تندهلي
عارفاني عالي الراس
تبعدني عن .... جهلي
لو ملت ..... للأنجاس
( حل المسأله )
______________
مالهاش لزوم الأسئله
وكل حاجه مسجله
والخطوه ماشيه ع الطريق
والحب حرف يبل ريق
يشد إيدك لو غريق
والرحله محسوبه بقدر
ف ليه بقا نكتر همومنا
أو نعكر صفو نومنا
والسعاده تعادي يومنا
والأماني كتير قوي
بورده ممكن نبتسم
ونعدي أصعب مرحله
أو بضحكه تترسم
نلاقي حل المسأله
والحياه مشوار طويل
مابين ولاده وبين رحيل
نبدر الحلم الجميل
يطرح جواب للأسئله
ف ليه بقا نكتر همومنا
أو نعكر صفو نومنا
وكل حاجه مسجله
( لو نخلص التوبه )
الدنيا سكة ...... سفر
والرحله ........ مكتوبه
فامشي الخطاوي بحذر
مشانقنا ....... منصوبه
والشر مر لو ....... زان
فإياك وخسر ... لاوزان
واعدل كفافي الميزان
دا الخطوه .... محسوبه
والدنيا سكة ...... سفر
والرحله ......... مكتوبه
والذنب سكه ..... لسقر
فاعمل حساب ...... نوبه
يجيي الملاك ...... بالقدر
وعنينا ............ معصوبه
والموت يخبط .... البيبان
وروحنا محتاجه .... لأمان
في الأخره ونفوز بالجنان
لو نخلص .......... التوبه
والدنيا سكة ....... سفر
والرحله ............ مكتوبه
( قالت لي يحنن )
الشعر ضفاير نازل يتفنن
وهواها الطاير سحره يجنن
وبلحظ عينيها ... المسحوره
عدت على قلبي السنيوره
سيباني ف حيرتي وهاتجنن
ولأني الطيب ...... كالعاده
روحت أطالب ...... بإعاده
قالت لي ............ يحنن
( الرمش سناره )
إرمي الشبك أيوا
انا حبي جاي نوا
إرمي الشبك شوفي
عيوني .... ووصوفي
داب م الهوى خوفي
لفيت 200 حاره
أسأل عليكي الناس
والرمش ...... سناره
شبكني ... بالإحساس
حبك هنا .... راشق
في قلبي نام عاشق
وانا وانتي نتعاشق
وليه نعيش ... اتنين
والهوى ........ غيه
وقلوبنا دايبه حنين
والرك ....... ع النيه
إرمي الشبك أيوا
واصطادي ...... حنيه
( هربان من ذاتك )
في الغربه الأفراح تناتيش
والريش النابت في جناحك
مش هايساعدك ع الطيران
لأنك هربان من .... ذاتك
لابس توب مش توبك
طمعك بيسرسب ... حلمك
وحياتك عنوان في أفيش
ف اطرح عمر الأحزان
من ................. عمرك
وعد .............. الباقي
هتلاقي ........... مفيش
....... الحب .......
الحب ماهوش ألغاز
ولاكلمه وهبة ريح
ولاغنوه حروفها نشاز
تتغنى بدون تصريح
مجداف الكدب قزاز
بيخلي القلب جريح
والحب قلوب تنعاز
جواها الحلم مريح
وعيون جوا البرواز
مليانه بحب صريح
الحب جناح ....... بيطير
ويعدي بحور ... أحزان
بيخلي الصعب ... يسير
ويخلي الكون .... ألوان
ويهون كل ..... عسير
والنور في السكه يبان
بينادي وهو ..... أسير
للثوره في كل ميدان
نتظاهر ......... للتغيير
ويكون للحب ...... كيان
الكل في سربه أمير
وفي سربه الكل أمان
الحب ماهوش ... خداع
ولافرق بين ... حبيبين
ولا سن سنانه .... وباع
ولا خالف سنه .... ودين
الحب الغالي ... شراع
بيعدي النوا .... متين
ولاتاه في السكه وضاع
ولاسابنا نروح تايهين
بيغير في ..... الأوضاع
ويسلسل في الشياطين
ويكون في الأزمه متاع
للزاهد ....... والهايمين
( يام الشهيد )
يام الشهيد إبنك سحابه وطارحه في
دمه راوي رمل سينا وطارحه ضي
بس اللي راحت للسما روحه الشريفه
قومي يالا اتزوقي لفي البلاد وعطريها
وافردي شعرك سحابه وضلليها
إبنك بطل ومالو هش ........ زي
يام الشهيد إبنك سحابه وجايبه في
ودمه راوي رمل سينا وطارحه ضي
خايف على جرح البلد سهران يداوي
عارفينه واد زي الأسد عاشق وغاوي
عزف الكرامه ع الوتر عزه وغناوي
عريس في جنة ربنا والله ... حي
يام الشهيد إبنك سحابه وجايبه في
ودمه راوي أرض سينا وطارحه ضي
حامي الصبايا من العدا ومن اللئام
صاحي الضمير طيب قوي ولاعمره نام
عاش زي نسمه حنينه ترمي السلام
وسيرته غنوة تلمنا ف بكره اللي جاي
يام الشهيد إبنك سحابه وجايبه في
دمه راوي أرض سينا وطارحه ضي
سألوني نازل ..؟
قلت طبعا لازم انزل
بس مش نازل ميدان
ولاناوي أعمل هيلمان
ولا هاهدم ...... البلد
إللي ............ كانت
يوم ............ . أمان
أنا نازل ......... أعلن
إني ........... مصري
ومصر ............ ديني
حبها واصل .... وتيني
نازل ............ بفاسي
سارح ........ لأرضي
حتى لو زايد أنيني
هااحط ........... صوتي
لا اجل ........... أمني
ولا اجل ......... قوتي
واصلي ........ فرضي
واروي .......... أرضي
من .............. حنيني
( الهوا في الغيط )
............................
ياللي فاكر كايرو غنوه
ولسه ناوي ع الرحيل
البساطه برضه .... حلوه
والبراح في الريف جميل
والدفا في الأهل عزوه
والهوا في الغيط عليل
المصطبه لمانا ...... لمه
لسه برضه عايشه فينا
ذكرياتها ......... بتنادينا
مهما غيبنا ..... واتعالينا
هوانا هيه ...... ومنتهاه
نحن ليها لو ...... نسينا
المصطبه فيها..... الحياه
واللي يتعالى ..... علينا
أو يغره في يوم غناه
يفتكر المثل اللي فينا
( من فات قديمه تاه )
وحكمتي من كبر سني
كايرو توهه ودوشه يابني
والهدوء في الشعر جاه
سهمها كام مره صابني
والأمان في الريف نجاه
وانت شاعر يعني تبني
بالمشاعر ميت .... حياه
ليه تزيد حيرتي وظني
ليه تبان نافر .... وجني
ريفي يابني حته مني
زي رمش العين ونني
فيه أبويا ...... وذكرياتي
نبض قلبي ....... حكاياتي
واللي مال دا غصب عني
بس بالمعروف ..... ياغالي
ينصلح حاله ..... وحالي
وباقيه بلدي غالي شالها
مهما مال الشين وشانها
الأصيل يفضل ..... أصيل
لو تميل يموت عشانها
ريفنا واحه ....... للأمان
كان زمان وكان وكان
لسه برضه قلوبنا شابه
يعني ممكن يابن عمي
نعدل المايله ..... بمحبه
لما همك هو ..... همي
تشيلها حبه واشيلها حبه
نمشي بالمعرف نطيب
لسه فينا الأصل .. طيب
مهما زاد العيب وعيب
لسه نبع الخير مالينا
والنبي الهادي .... نبينا
نهجه مالي نور عنينا
والقلوب عايشه بحنانه
جوا روح الروح مكانه
سيرته باقيه شفاعه لينا
( الشرع قال اربعه )
الشرع قال .... اربعه
وانا قلبي قال واحده
في مشاعري مترصعه
توزن 200 واحده
بطبعي ....... متشبعه
حمياني .... م الوحده
بالعفه ......... متلفعه
غاليه ماهيش جاحده
الشرع قال .... اربعه
ياعم صر ...... وشيل
كتر الحريم .. مضيعه
لو كترت .. التآآآوويل
القربه ........ متقطعه
بتشر غلب ...... ويل
بكره ياجوز ل اربعه
تتهد لو ........ عنتيل
الشرع قال اربعه
ياعم ليه ..... تنكش
أوجاعنا ....... متربعه
والقلب ...... مابدقش
الدنيا ....... متسربعه
وهمومنا ..... ماتعدش
الصحه راجعه ... لورا
والحاله ..... ماتسرش
الشرع قال .... اربعه
ياعم قوم ....... صلي
ترك الذنوب مجدعه
قول للهموم .... قلي
فوق من .... القربعه
دا العمر ....... بيولي
صلى الفروض لاربعه
والفجر ........ ماتخلي
الشرع قال .... اربعه
وانا نفسي آه ياني
أهرب من ... المعمعه
أعيش زمن ..... تاني
وسمعتي .... مسمعه
شاعر ...... ووجداني
ناديت على المجدعه
لقيتها ......... بايعاني
( يخرب شيطانك ياجدع )
................................
يخرب شيطانك ياجدع
م الخوف عليك قلبي انخلع
وبرغم دمعك بتداريه
شايفه في عينيك
وبرغم خوفك بتداديه
والشوك ماليك
قلبك خضار مروي بورع
يخرب شيطانك ياجدع
يخرب شيطان الخوف بقه
إمتى اللقا بالحق
والخير صولجان
والصبح يطلع شقشقه
والعدل يبقى المطرقه
نرتاح شويه من الشقى
والنور يبان
يخرب شيطانك ياجدع
رغم البدع لساك مسامح
ولسه قلبك مركبك
مانتاش رتوش
وبرغم جرحك والألم
وشك باشوش
راوي الأراضي بهمتك
والورد طارح
يخرب شيطانك ياجدع
لساك فتوه بتنقلع
ع الخلق خوف
والخسه كيف ماتغيركش
مال الزمان ولا ميلكش
وازاي كتافك دول جبل
رغم الظروف
يخرب شيطانك ياولد
من ألف محنه بتتولد
وتعود جديد
ولايوم تحيد عن سكتك
ولا نزوه هدت همتك
ولا مره تعبت خطوتك
عزمك حديد
يخرب شيطانك ياجدع
لسه باقيه العزه فيك
كسرت جاه ... المرتجع
رغم الوجع بالآآه ماليك
لو يوم تغيب يسأل ودع
كأنه توأم روحه فيك
يابحر هدي
---------------
يابحر هدى رعودك
واملاني ...... حنيه
راكب انا ..... موجك
وماشي .... ع النيه
صيد السمك أسرار
ماتقولش ... للشطار
ولا طعم .. ولا سنار
إلرك ........ ع النيه
يابحر هدى ...... النوه
وراعي ........ أوصافي
انا باكره ........ القوه
واعشق ........ الصافي
لا عمري كنت .. جبان
ولا في النعيم طمعان
باحلم أكون ... إنسان
والعزة ....... مجدافي
ياموج البحر انا مليت
تعبت وطالت الأحزان
عشت كتير وما تهنيت
ولاعديت لبر ..... أمان
اللقمه جن ...... سرقها
والناس غموسها عرقها
مش لاقيه دوا لدائها
مغصوبه .... ع الحرمان
ياموج البحر ... ياعايم
غريق ع الشط رسيني
كفايه عليا .... تتعازم
ياتعدي ....... ياترميني
طعم الحياه ..... مرر
الحلم .......... متكسر
والقلب ......... متكدر
والنوم ....... مجافيني
ياموج البحر .. يارايق
تحلالي ويحلى العوم
أنا زيك كمان عاشق
ومفارق جفاني النوم
طبع الغربه ... نواحه
رغم نعيمها ... جراحه
حطت حملي بالراحه
على كتافي تل هموم
ياموج البحر ماتحاسب
بتتعاجب بحبة ..... ريح
نفسي شوية نتعاتب
مانتغالب نكون مجاريح
وليه طبعك الآآآسي
بيدبح نبض إحساسي
ويكتم فيا .... أنفاسي
ويرميني فمهب الريح
( حل المسأله )
______________
مالهاش لزوم الأسئله
وكل حاجه مسجله
والخطوه ماشيه ع الطريق
والحب حرف يبل ريق
يشد إيدك لو غريق
والرحله محسوبه بقدر
ف ليه بقا نكتر همومنا
أو نعكر صفو نومنا
والسعاده تعادي يومنا
والأماني كتير قوي
بورده ممكن نبتسم
ونعدي أصعب مرحله
أو بضحكه تترسم
نلاقي حل المسأله
والحياه مشوار طويل
مابين ولاده وبين رحيل
نبدر الحلم الجميل
يطرح جواب للأسئله
ف ليه بقا نكتر همومنا
أو نعكر صفو نومنا
وكل حاجه مسجله
( أنا والربيع احباب )
........................
قالوا الربيع ع الباب
جاي بالرضا والنور
وانا والربيع أحباب
من عهد مينا وحور
والحب ليه ... أسباب
فارد نداه ع الدور
طبع الهوى ... غلاب
وبيكشف ... المستور
قلبه الوفي .... جنه
وانا قلبي .... يتمني
لما اكتفى ..... غنى
طرح الربيع .... حنه
حنى الصبايا الحور
........... شق الغيوم ...............
ياعم قوم شق الغيوم دا القلب لاص
والليل بيحبي م الهموم والصبح هاص
إفرد جناحك في السما حلق وطير
سلسل شيطان الخوف بقا خليه أسير
وافرد سلاسل ضحكتك إنت الأمير
إياك توقف خطوتك وتقول خلاص
إشحن وعدي بهمتك فوت للخلاص
( إيوه باغير )
--------------------
إيوه باغير
أنا فلاح على إسمي باغير
بابدر ورد حروفي تطير
تلمس خد الصبح يغني
أصل حروفي ... للتنوير
لا عمري سرقت حروف الغير
ولاحبيت ركب المشاهير
أنا واحد عايش بضمير
فلازم أغير
( لما .. نشارك )
..................
هانزل... أشارك
بلدي .... فرحها
هاصلي واسمي
واخد ...... عمي
واخويا ... وأمي
وبلدي وناسها
وانزل .. اشارك
بلدي .... فرحها
وانده ...... خالي
وام ...... عيالي
واقول ... موالي
يسري ف روحها
لما ....... نشارك
بلدي ..... فرحها
يالا ........ ياعم
حسين ...... نتلم
ونرمي .... الهم
نداوي .. جراحها
لما ..... نشارك
بلدي .... فرحها
خلي ...... الرمه
عديم ...... الذمه
يشوف ... الهمه
تزين .. مطرحها
لما ...... نشارك
بلدي .... فرحها
مصر ...... فتوه
حضن ..... وقوه
جيشها ... مروه
وصاحي سلاحها
لما ...... نشارك
بلدي .... فرحها
الناس .. بنزولها
تخلي .. عازولها
يعيش معزولها
ويحلى ...صباحها
لما ...... نشارك
بلدي .... فرحها
يعلى ... صياحها
عشان .. نسمعها
نقوم ...ونساعها
تمد ...... وسعها
لما ....... نشارك
بلدي ..... فرحها
لما ....... نشارك
بلدي ...... فرحها
( الروح مسافرة )
ذكرياتنا جوا منا معلمه
بنداديها ونلاقيها مصممه
تفتح جروحنا ونداريها
ونلاقيها جوا روحنا مسلمه
ساكنه فينا ........ بإقتدار
والقدر جاي ..... بإختبار
كنت تايه في ..... المدار
كنت منزوع ...... الإراده
مابين بلاده ........ وانهيار
حتى روح الروح مسافره
غصب عني مني نافره
والمشاعر واعره .. كافره
شاربه زيي الكاس مرار
ومدارنا دايره .... محكمه
وقبل إصدار ...... القرار
إسمع ياقاضي .. المحكمه
وأحكم بعدل ..... ومرحمه
وخلي حكمك ..... ملحمه
الحكايه ........... باختصار
قلبي كان مليان عمار
لكن عقول صابها العمي
داست على نبته الخضار
أصبح ................. حطام
أصبح ................. دمار
نايم في صدري ... بالوما
بيعدي عمري ....... إنما
عايش شعور ... الإحتضار
( القليله تكفي لمه )
........................
كان زمان العلم ..... نور
والمعلم كان ........ وقور
والبيوت كانت....... أصيله
كات تربى ..... ع الفضيله
كنا نسعى ف حضن عيله
والقليله تكفي ........ لمه
خيرها طارح ألف ... همه
كات دافعنا عشان نصول
كنا نجري ..... ع الفصول
كات منافسه .... بالأصول
والجزم كانت ..... بلاستك
والأمانه كات ...... رسول
والذمم دلوقت ...... أستيك
والدروس في زمانا غول
والمدرس قام ..... يأستك
من عرقنا لو ....... نموت
في الدروس أصبح طاغوت
والضمير تعظيم سكوت
والجيوب عايشه الكفاف
هم مايل ....... ع الكتاف
والعفاف قوت ... الغلابه
قام يغني ...... ع الربابه
لما شاف سرب الديابه
على صوت ..... البنكنوت
( باقيه الجراح )
وصف الأطبا .... دجل
باقيه الجراح ...... بتئن
في عنيها قالوا العمل
يشفي اللي راكبه جن
فكتبت شعر ....وغزل
فى عنيها لاجل تحن
معاها روحي البريئه
دايبه في .... تكوينها
وظنوني قايده حريقه
م الغيره ...... وجنونها
فقصدت شيخ الطريقه
لا جلن ....... يفهمها
وبنيت جسور الامل
ل عنيها قلبي بيحن
وصف الأطبا ..... دجل
باقيه الجراح ..... بتئن
في عنيها قالوا العمل
يشفي اللي راكبه جن
ف كتبت شعر وغزل
في عنيها لاجل تحن
وفردت روحي .. جناح
وطرت في .... سماها
أترجى في .... الأفراح
تسكن في .... نجواها
وعشت انا ..... سواح
بالصبر ....... والآآآهه
وكتبت شعر وغزل
في عنيها لاجل تحن
.... ( زق العتمه ) ....
إمشي ف حمى ربك
متخافش ...... م العتمه
وافتح بيبان .......قلبك
الدنيا مش ....... دايمه
لو قليل .......... حظك
ربك خلقنا ...... بحكمه
دوس على ...... حزنك
هاتهون مع .. الضحكه
خلي الشراع ..... قلبك
لو دنيتك ....... ماسكه
ماتقولش إيه ..... ذنبك
والرحله ليه ...... سكه
رزقك ومكتوب .... لك
والعمر على ...... تكه
لو فين ..... هايندهلك
بس القلوب ..... شكه
إرضى بقضا ......ربك
تفتح بيبان .......سكه
إمشي عدل .....دربك
تلقى الحياه ..... فكه
إفرد خيوط شمسك
وزق العتمه م السكه
( العالم محتاج لضمير )
______________
العالم دايس ع الروح
سهانا وعبانا جروح
بيغمي عنينا وبيعتم
مش عايز يرحم ويسلم
وشايفنا واحنا بنتألم
ولا نقدر ننده ونبوح
والقلب الطيب بينوح
العالم محتاج .... فنان
يرسم فارس ... بحصان
ف إيديه السيف مسلول
مايخافش من المسئول
ينده ويصحي ... عقول
لبست م الخوف عبيان
مغزوله من ... الأحزان
العالم محتاج .... لفتوه
نبوته الناشف ... قوه
يحمي الناس الحرافيش
ويكون لجناحهم ريش
الخوف يرحل مايجيش
ويحوش ب إيديه النوه
عاشق للخير ومروه
العالم محتاج .... أسطى
يدبح شياطين الواسطه
والعدل يعلى ... الصوت
يبدر بإيديه ..... القوت
ف يطرح شجر التوت
ناكل من خيره ونتغطى
العالم محتاج أسطى
العالم محتاج ........ لضمير
محتاج حبة ........... تغيير
ويقيم للعدل ......... ثوابت
هايلاقي قلوب الناس تابت
وتعم الضحكه وشوش شابت
ونطير في السما زي الطير
العالم محتاج ......... لضمير
( معاني السلام )
.......................
على نهج ثومه
هقولك ياشادي
لأنك ودادي
وفيك امتدادي
وعمري الطويل
هاعود ودانك
غناها الحميل
وابدر في قلبك
هواها العليل
فايسرح في روحك
ف تمشي بأدب
وتشعر معايا
وتكتب أدب
وتنسى العوازل
والذوق اللي نازل
ورقص المهازل
في زمن العجب
وتنزل منازل
كبار الأدب
وعنك أذود
ويوصل وتينك
بحبل الجدود
وتعمل مداوي
وتحكي الحكاوي
وتكتب غناوي
تعدي الحدود
ويجري في وريدك
نسيم الوئام
وتزرع في جيلك
معاني السلام
وتبقى الدليل
وتهدي الحياري
وتدي الإشاره
لرد الجميل
لثومه اللي سابت
حنانها ف حناني
وداوت كياني
بصوتها اللي راوي
الغيطان سلسبيل
بصوتها اللي راوي
الغيطان سلسبيل
( الندا ممنوع )
الجهل داء ، والضلمه ويل
والليل براح العميانيين
والنور دليل بس الجراح
طارحه آهات التعبانيين
والحلم كامش في الصدور
قال الودع ،
قلب الجدع موجوع
نفسه ينده ع الفرح
بس الندا ممنوع
( بلد الفصيح )
أنا صيتي في الخلق سمع
كلامي واضح صريح
يسمعني أبو القلب يدمع
شاعر وفلاح فصيح
كتبت الشعر بأصوله
بدون تجريح
الكلمه عندي مدد
للشر .... ماتهواش
من قلب خط العمد
بلد الفصيح بطاش
وبعد منها التمد
كمل لحد طماي
من بين حواري البلد
والمصطبه والشاي
الشعر مني اتولد
غني الرباب والناي
شربته زي الدوا
وسط الغدا وعشاي
على نهج ست الكل
كتبت ورد وفل
والكلمه ليها أصول
إن ناوي تصول
أو كنت ناوي تجول
عطرها بالإحساس
وإكتبها بالمعدول
وافتح قلوب الناس
وادخلها بالمعقول
....................
( إسم الله عليه )
.......................
إسم الله عليه
وعلى ..... حواليه
بس ضحك لي
فجأه ...... لقتني
بادوب في عنيه
اسم الله عليه
أول ....... مره
أشوفه .... بيحبي
ورجله ..... بتدبي
جرى ...... الدم
ف روحي وعمري
ودقة ....... قلبي
تسمى ..... عليه
اسم الله عليه
لما ....... يغيب
بيداعب ... وجدي
واحلم ..... خده
ينام على خدي
واحلم ..... برضه
بلمس ..... إيديه
اسم الله عليه
إمتى ... هايمشي
يداعب ... رمشي
ويسكن نن العين
مايغيبشي
وافرح ..... بيه
اسم الله عليه
دانا .... مستني
باغني ... ف حده
لفرحة .. عمري
وحيلي .. يشده
لما ....... ينادي
يقول لي ياجدو
وارد ...... عليه
اسم الله عليه
اسم الله عليه
...................
( أبدروا الشعر في كياني )
أبدروا الشعر في كياني
عطروه بأجمل معاني
إطبعوا في الكون صفاتكم
إرسموا حدود أمنياتكم
صحوا حلم جميل وفاتكم
وازرعوه يطرح أغاني
أبدروا الشعر في كياني
قولوا تاني وعيدوا تاني
إكتبوا عن هم ناسي
إوصفوا جبال المآسي
واللي يعمل نفسه ناسي
يبقى خاني وخان زماني
أبدروا الشعر في كياني
عطروه بأجمل معاني
حرروا الحرف الأسير
وافتحولوا الباب يطير
لبسوه تاج الضمير
يعلى صوت الحق تاني
أبدروا الشعر في كياني
عطروه بأجمل معاني
( عنقود مشاعرك )
عنقود مشاعرك حلاوه
شوكولاته بالنعناع
صفصافه طرحت طراوه
ياام العيون وساع
رميتي نظره بشقاوه
ف اتغيرت ل وضاع
عنقود مشاعرك ماس
وانا باعشق .... الغالي
جايلك وعالي الراس
يام المقام ..... عالي
قلبك قمر ..... وناس
وهمسه ...... يحلالي
قابليني ... بالإحساس
وانا اغني .... موالي
عنقود مشاعرك ناداني
بعتلي كام مرسال
فتح ورودي نداني
والفجر جاي موال
غمز بعينه .... غواني
خلى حالي ...... حال
وسهمه لما رماني
أنا حن قلبي ومال
عنقود مشاعرك روى
في القلب ياسمينا
هفهف عليها الهوى
نسم على ..... عنينا
نظرة عيونك .... دوا
لحمت جروح فينا
الحب طاب واستوي
طرح الهنا ....... لينا
عنقود مشاعرك حمام
طاير على ...... النيه
طارح في روحي هيام
وقلبي ليه ...... غيه
يغيب ويرجع قوام
يلاغيني ....... ملاغيه
يسقيني شهد الغرام
واسقيه دوا ..... عنيا
عنقود مشاعرك نز
لما اتولد ...... حسك
رق قلبي ...... وفز
من فرحته يضمك
جيت بالربيع واتهز
ضي الأمل منك
رفعت راسي بعز
توبي حروف اسمك
عنقود مشاعرك حود
خبط على ....... بابي
لقيتني عايز .... مدد
يشد ......... أعصابي
لفيت حواري البلد
أنده على صحابي
فرحان وقلبي اتولد
والسعد في ركابي
هاتي عنقود مشاعرك
انا قلبي ..... ع النيه
هاقطف جروح عمرك
وادويها ...... بعنيا
واقعد هنا جنبك
وارويها ....... حنيه
واسكن نعيم قلبك
زي الحمام .... غيه
عنقود مشاعرك جنون
وانا ورده في إيديكي
أطفي نار ..... الكون
لو بس .... تأذيكي
وافرد جناحي حنون
م الشر ..... واحميكي
والبحر لو .. مجنون
هاعوم ...... واعديكي
باحلم ألف ..... الكون
ودفتي ....... عنيكي
وارجع وكلي شجون
وارسى ... ف موانيكي
عنقود مشاعرك دا فرحه
خلاني سباح .... وماهر
وحبيبتي غزاله سارحه
وانا نفسي اكون ساحر
واملك تعويذة الفرحه
كنت اصنع حرير فاخر
واغزلك بإيدي الطرحه
وابني لك بلاد وجزاير
وازرعلك جناين طارحه
عنقود مشاعرك ولع
سخن لي إحساسي
جالي بخفه ودلع
وكنت انا ...... ناسي
سلم على .... وخلع
طبع الجميل قاسي
ناديته يجي امتنع
طير بروج راسي
عنقود مشاعرك نام
في قلبي وعنيه
ولما جاني المنام
قالي دواك هيه
عايقه وماشيه بهيام
بتغني ..... غنيه
طايره زي الحمام
زغلوله .... بنيه
عنقود مشاعرك كتب
ع الشجر .... حرفين
والسعد بينا انكتب
والفرح ملو العين
يام الأساور دهب
والحلق ..... بدورين
قلبك لقلبي وهب
دقاته زاد عمرين
عنقود مشاعرك بلح
واستوى على عوده
جايلك أنا بالفرح
مانتي الهنا ووعوده
ورد الجناين طرح
وفى وزاد ب وعوده
خادني ف حنانه وسرح
والسعد انا مسعوده
عنقود مشاعرك طرح
على الخدود .... نسمات
خادني في حنانه وسرح
عزف الوتر ...... نغمات
حبيت وقلبي .... انشرح
غنى الهوى ..... مقامات
طرح في عمري الفرح
والحزن سابني وفات
( يابنت شيخ البلد )
يابنت شيخ ...... البلد
يالابسه ..... الأرطه
أنا برضه زينة البلد
صيتي وصل طنطا
شوفتك طلبت المدد
كحل العيون شرطه
قلبك حدود ...... البلد
وعيونك ..... الخارطه
يابنت شيخ ....... البلد
ياللي الغفير .... خالك
دايره في حواري البلد
وسايقه في دلالك
شوفتك وقلبي اتولد
من رن ....... خلخالك
لو كنتي غاويه السند
أنا برضه ..... خيالك
يابنت شيخ ..... البلد
إياكي ........ تتعالي
انا عزمي همه وجلد
أنا أصلي م الغالي
أبويا لما ...... اتولد
كان له مقام عالي
أنا عمي زينة البلد
والنخوه بيت خالي
( إللي خانوا )
إللي خان العهد قله
فعله أحقر م الحقاره
والربايه الخايبه عله
فعل فاضح وبجداره
الرجوله لما ...... باعها
هدها وكتر ...... وجعها
عايزه تصرخ قام منعها
لبست الطرحه بمراره
إللي خانوا وباعوا فينا
قتلونا في .... الجوامع
ملعونين من عهد مينا
هدموا حتى ... الصوامع
فوق حيطان البيت ونطوا
لوثوا نيلنا ...... وشطه
شالوا فينا كتير وحطوا
وقفوا ضد الحق مانع
اللي خان العهد أعمي
ملحنا ماتمرش .... فيه
واللي يكره ناسه يعمى
أكلنا يحرم ......... عليه
لما سال الدم .. عادي
وراح يساند في الأعادي
إتوصم بالطبع سادي
غله باين من عينيه
( معنى الرجولة )
معنى الرجولة زمان
في العيله ... واللمه
والقلب كان دفيان
بالخاله ...... والعمه
والحب كان عنوان
لاهل البلد .... عامه
معنى الرجوله صديق
واضح لسانه صريح
يلهفني وقت الضيق
يحميني .... م التجريح
ويكون لي أخ شقيق
يصد عني ...... الريح
يابو الرجوله صنوف
أبدر لنا ....... الفكره
ولف بينا ..... وطوف
عدى لحدود .....بكره
عشش حدانا الخوف
وتوهنا في السكره
معنى الرجولة ولد
يزرع غيطانا ضي
لابس عمامة الجلد
سهران ضميره حي
يصطاد وحوش البلد
ويطوي نابهم طي
خد م الرجوله دليل
واعطي الكريم قدره
وإياك تميل للعويل
ماتكولش من قدره
تعمل عشانه الجميل
يسقيك مرار غدره
أنا قلت الرجوله بجد
في الأصل ..... تربيه
ف اياك تصاحب حد
العيب في ابوه غيه
يعيب ويعدي .....الحد
ولا عنده ....... هميه
أنا قلت الرجوله طبع
موروث عن الأجداد
وابن الرجوله ... سبع
متين كما ...... الأوتاد
يخدم فقير ...... الربع
ويخاصم ...... الأسياد
أنا قلت الرجوله عدل
وكفتين ... في ميزان
والندل يفضل .... ندل
لو ساد ف ناسه وزان
تلقاه قليل .... العقل
ويبدل ........ الأوزان
يابو الرجوله حود
إصنع سلام ناسك
أنا أصلي متعود
تملاني ..... أنفاسك
غني النشيد ردد
دا الهمه نبراسك
والقلب ....... متقيد
محتاج ... لإحساسك
أنا قلت الرجوله فاس
تبوس جبين ..... الارض
تطرح ياقوت على ماس
وتصلي بينا ..... الفرض
تطلع قمر ....... وناس
تسهر تصون العرض
أصل الرجوله ف أهلي
بنوها ليا ....... أساس
لو غيبت ...... تندهلي
عارفاني عالي الراس
تبعدني عن .... جهلي
لو ملت ..... للأنجاس
( حل المسأله )
______________
مالهاش لزوم الأسئله
وكل حاجه مسجله
والخطوه ماشيه ع الطريق
والحب حرف يبل ريق
يشد إيدك لو غريق
والرحله محسوبه بقدر
ف ليه بقا نكتر همومنا
أو نعكر صفو نومنا
والسعاده تعادي يومنا
والأماني كتير قوي
بورده ممكن نبتسم
ونعدي أصعب مرحله
أو بضحكه تترسم
نلاقي حل المسأله
والحياه مشوار طويل
مابين ولاده وبين رحيل
نبدر الحلم الجميل
يطرح جواب للأسئله
ف ليه بقا نكتر همومنا
أو نعكر صفو نومنا
وكل حاجه مسجله
( لو نخلص التوبه )
الدنيا سكة ...... سفر
والرحله ........ مكتوبه
فامشي الخطاوي بحذر
مشانقنا ....... منصوبه
والشر مر لو ....... زان
فإياك وخسر ... لاوزان
واعدل كفافي الميزان
دا الخطوه .... محسوبه
والدنيا سكة ...... سفر
والرحله ......... مكتوبه
والذنب سكه ..... لسقر
فاعمل حساب ...... نوبه
يجيي الملاك ...... بالقدر
وعنينا ............ معصوبه
والموت يخبط .... البيبان
وروحنا محتاجه .... لأمان
في الأخره ونفوز بالجنان
لو نخلص .......... التوبه
والدنيا سكة ....... سفر
والرحله ............ مكتوبه
( قالت لي يحنن )
الشعر ضفاير نازل يتفنن
وهواها الطاير سحره يجنن
وبلحظ عينيها ... المسحوره
عدت على قلبي السنيوره
سيباني ف حيرتي وهاتجنن
ولأني الطيب ...... كالعاده
روحت أطالب ...... بإعاده
قالت لي ............ يحنن
( الرمش سناره )
إرمي الشبك أيوا
انا حبي جاي نوا
إرمي الشبك شوفي
عيوني .... ووصوفي
داب م الهوى خوفي
لفيت 200 حاره
أسأل عليكي الناس
والرمش ...... سناره
شبكني ... بالإحساس
حبك هنا .... راشق
في قلبي نام عاشق
وانا وانتي نتعاشق
وليه نعيش ... اتنين
والهوى ........ غيه
وقلوبنا دايبه حنين
والرك ....... ع النيه
إرمي الشبك أيوا
واصطادي ...... حنيه
( هربان من ذاتك )
في الغربه الأفراح تناتيش
والريش النابت في جناحك
مش هايساعدك ع الطيران
لأنك هربان من .... ذاتك
لابس توب مش توبك
طمعك بيسرسب ... حلمك
وحياتك عنوان في أفيش
ف اطرح عمر الأحزان
من ................. عمرك
وعد .............. الباقي
هتلاقي ........... مفيش
....... الحب .......
الحب ماهوش ألغاز
ولاكلمه وهبة ريح
ولاغنوه حروفها نشاز
تتغنى بدون تصريح
مجداف الكدب قزاز
بيخلي القلب جريح
والحب قلوب تنعاز
جواها الحلم مريح
وعيون جوا البرواز
مليانه بحب صريح
الحب جناح ....... بيطير
ويعدي بحور ... أحزان
بيخلي الصعب ... يسير
ويخلي الكون .... ألوان
ويهون كل ..... عسير
والنور في السكه يبان
بينادي وهو ..... أسير
للثوره في كل ميدان
نتظاهر ......... للتغيير
ويكون للحب ...... كيان
الكل في سربه أمير
وفي سربه الكل أمان
الحب ماهوش ... خداع
ولافرق بين ... حبيبين
ولا سن سنانه .... وباع
ولا خالف سنه .... ودين
الحب الغالي ... شراع
بيعدي النوا .... متين
ولاتاه في السكه وضاع
ولاسابنا نروح تايهين
بيغير في ..... الأوضاع
ويسلسل في الشياطين
ويكون في الأزمه متاع
للزاهد ....... والهايمين
( يام الشهيد )
يام الشهيد إبنك سحابه وطارحه في
دمه راوي رمل سينا وطارحه ضي
بس اللي راحت للسما روحه الشريفه
قومي يالا اتزوقي لفي البلاد وعطريها
وافردي شعرك سحابه وضلليها
إبنك بطل ومالو هش ........ زي
يام الشهيد إبنك سحابه وجايبه في
ودمه راوي رمل سينا وطارحه ضي
خايف على جرح البلد سهران يداوي
عارفينه واد زي الأسد عاشق وغاوي
عزف الكرامه ع الوتر عزه وغناوي
عريس في جنة ربنا والله ... حي
يام الشهيد إبنك سحابه وجايبه في
ودمه راوي أرض سينا وطارحه ضي
حامي الصبايا من العدا ومن اللئام
صاحي الضمير طيب قوي ولاعمره نام
عاش زي نسمه حنينه ترمي السلام
وسيرته غنوة تلمنا ف بكره اللي جاي
يام الشهيد إبنك سحابه وجايبه في
دمه راوي أرض سينا وطارحه ضي
سألوني نازل ..؟
قلت طبعا لازم انزل
بس مش نازل ميدان
ولاناوي أعمل هيلمان
ولا هاهدم ...... البلد
إللي ............ كانت
يوم ............ . أمان
أنا نازل ......... أعلن
إني ........... مصري
ومصر ............ ديني
حبها واصل .... وتيني
نازل ............ بفاسي
سارح ........ لأرضي
حتى لو زايد أنيني
هااحط ........... صوتي
لا اجل ........... أمني
ولا اجل ......... قوتي
واصلي ........ فرضي
واروي .......... أرضي
من .............. حنيني
( الهوا في الغيط )
............................
ياللي فاكر كايرو غنوه
ولسه ناوي ع الرحيل
البساطه برضه .... حلوه
والبراح في الريف جميل
والدفا في الأهل عزوه
والهوا في الغيط عليل
المصطبه لمانا ...... لمه
لسه برضه عايشه فينا
ذكرياتها ......... بتنادينا
مهما غيبنا ..... واتعالينا
هوانا هيه ...... ومنتهاه
نحن ليها لو ...... نسينا
المصطبه فيها..... الحياه
واللي يتعالى ..... علينا
أو يغره في يوم غناه
يفتكر المثل اللي فينا
( من فات قديمه تاه )
وحكمتي من كبر سني
كايرو توهه ودوشه يابني
والهدوء في الشعر جاه
سهمها كام مره صابني
والأمان في الريف نجاه
وانت شاعر يعني تبني
بالمشاعر ميت .... حياه
ليه تزيد حيرتي وظني
ليه تبان نافر .... وجني
ريفي يابني حته مني
زي رمش العين ونني
فيه أبويا ...... وذكرياتي
نبض قلبي ....... حكاياتي
واللي مال دا غصب عني
بس بالمعروف ..... ياغالي
ينصلح حاله ..... وحالي
وباقيه بلدي غالي شالها
مهما مال الشين وشانها
الأصيل يفضل ..... أصيل
لو تميل يموت عشانها
ريفنا واحه ....... للأمان
كان زمان وكان وكان
لسه برضه قلوبنا شابه
يعني ممكن يابن عمي
نعدل المايله ..... بمحبه
لما همك هو ..... همي
تشيلها حبه واشيلها حبه
نمشي بالمعرف نطيب
لسه فينا الأصل .. طيب
مهما زاد العيب وعيب
لسه نبع الخير مالينا
والنبي الهادي .... نبينا
نهجه مالي نور عنينا
والقلوب عايشه بحنانه
جوا روح الروح مكانه
سيرته باقيه شفاعه لينا
( الشرع قال اربعه )
الشرع قال .... اربعه
وانا قلبي قال واحده
في مشاعري مترصعه
توزن 200 واحده
بطبعي ....... متشبعه
حمياني .... م الوحده
بالعفه ......... متلفعه
غاليه ماهيش جاحده
الشرع قال .... اربعه
ياعم صر ...... وشيل
كتر الحريم .. مضيعه
لو كترت .. التآآآوويل
القربه ........ متقطعه
بتشر غلب ...... ويل
بكره ياجوز ل اربعه
تتهد لو ........ عنتيل
الشرع قال اربعه
ياعم ليه ..... تنكش
أوجاعنا ....... متربعه
والقلب ...... مابدقش
الدنيا ....... متسربعه
وهمومنا ..... ماتعدش
الصحه راجعه ... لورا
والحاله ..... ماتسرش
الشرع قال .... اربعه
ياعم قوم ....... صلي
ترك الذنوب مجدعه
قول للهموم .... قلي
فوق من .... القربعه
دا العمر ....... بيولي
صلى الفروض لاربعه
والفجر ........ ماتخلي
الشرع قال .... اربعه
وانا نفسي آه ياني
أهرب من ... المعمعه
أعيش زمن ..... تاني
وسمعتي .... مسمعه
شاعر ...... ووجداني
ناديت على المجدعه
لقيتها ......... بايعاني
( يخرب شيطانك ياجدع )
................................
يخرب شيطانك ياجدع
م الخوف عليك قلبي انخلع
وبرغم دمعك بتداريه
شايفه في عينيك
وبرغم خوفك بتداديه
والشوك ماليك
قلبك خضار مروي بورع
يخرب شيطانك ياجدع
يخرب شيطان الخوف بقه
إمتى اللقا بالحق
والخير صولجان
والصبح يطلع شقشقه
والعدل يبقى المطرقه
نرتاح شويه من الشقى
والنور يبان
يخرب شيطانك ياجدع
رغم البدع لساك مسامح
ولسه قلبك مركبك
مانتاش رتوش
وبرغم جرحك والألم
وشك باشوش
راوي الأراضي بهمتك
والورد طارح
يخرب شيطانك ياجدع
لساك فتوه بتنقلع
ع الخلق خوف
والخسه كيف ماتغيركش
مال الزمان ولا ميلكش
وازاي كتافك دول جبل
رغم الظروف
يخرب شيطانك ياولد
من ألف محنه بتتولد
وتعود جديد
ولايوم تحيد عن سكتك
ولا نزوه هدت همتك
ولا مره تعبت خطوتك
عزمك حديد
يخرب شيطانك ياجدع
لسه باقيه العزه فيك
كسرت جاه ... المرتجع
رغم الوجع بالآآه ماليك
لو يوم تغيب يسأل ودع
كأنه توأم روحه فيك
يابحر هدي
---------------
يابحر هدى رعودك
واملاني ...... حنيه
راكب انا ..... موجك
وماشي .... ع النيه
صيد السمك أسرار
ماتقولش ... للشطار
ولا طعم .. ولا سنار
إلرك ........ ع النيه
يابحر هدى ...... النوه
وراعي ........ أوصافي
انا باكره ........ القوه
واعشق ........ الصافي
لا عمري كنت .. جبان
ولا في النعيم طمعان
باحلم أكون ... إنسان
والعزة ....... مجدافي
ياموج البحر انا مليت
تعبت وطالت الأحزان
عشت كتير وما تهنيت
ولاعديت لبر ..... أمان
اللقمه جن ...... سرقها
والناس غموسها عرقها
مش لاقيه دوا لدائها
مغصوبه .... ع الحرمان
ياموج البحر ... ياعايم
غريق ع الشط رسيني
كفايه عليا .... تتعازم
ياتعدي ....... ياترميني
طعم الحياه ..... مرر
الحلم .......... متكسر
والقلب ......... متكدر
والنوم ....... مجافيني
ياموج البحر .. يارايق
تحلالي ويحلى العوم
أنا زيك كمان عاشق
ومفارق جفاني النوم
طبع الغربه ... نواحه
رغم نعيمها ... جراحه
حطت حملي بالراحه
على كتافي تل هموم
ياموج البحر ماتحاسب
بتتعاجب بحبة ..... ريح
نفسي شوية نتعاتب
مانتغالب نكون مجاريح
وليه طبعك الآآآسي
بيدبح نبض إحساسي
ويكتم فيا .... أنفاسي
ويرميني فمهب الريح
( حل المسأله )
______________
مالهاش لزوم الأسئله
وكل حاجه مسجله
والخطوه ماشيه ع الطريق
والحب حرف يبل ريق
يشد إيدك لو غريق
والرحله محسوبه بقدر
ف ليه بقا نكتر همومنا
أو نعكر صفو نومنا
والسعاده تعادي يومنا
والأماني كتير قوي
بورده ممكن نبتسم
ونعدي أصعب مرحله
أو بضحكه تترسم
نلاقي حل المسأله
والحياه مشوار طويل
مابين ولاده وبين رحيل
نبدر الحلم الجميل
يطرح جواب للأسئله
ف ليه بقا نكتر همومنا
أو نعكر صفو نومنا
وكل حاجه مسجله
( أنا والربيع احباب )
........................
قالوا الربيع ع الباب
جاي بالرضا والنور
وانا والربيع أحباب
من عهد مينا وحور
والحب ليه ... أسباب
فارد نداه ع الدور
طبع الهوى ... غلاب
وبيكشف ... المستور
قلبه الوفي .... جنه
وانا قلبي .... يتمني
لما اكتفى ..... غنى
طرح الربيع .... حنه
حنى الصبايا الحور
........... شق الغيوم ...............
ياعم قوم شق الغيوم دا القلب لاص
والليل بيحبي م الهموم والصبح هاص
إفرد جناحك في السما حلق وطير
سلسل شيطان الخوف بقا خليه أسير
وافرد سلاسل ضحكتك إنت الأمير
إياك توقف خطوتك وتقول خلاص
إشحن وعدي بهمتك فوت للخلاص
( إيوه باغير )
--------------------
إيوه باغير
أنا فلاح على إسمي باغير
بابدر ورد حروفي تطير
تلمس خد الصبح يغني
أصل حروفي ... للتنوير
لا عمري سرقت حروف الغير
ولاحبيت ركب المشاهير
أنا واحد عايش بضمير
فلازم أغير
( لما .. نشارك )
..................
هانزل... أشارك
بلدي .... فرحها
هاصلي واسمي
واخد ...... عمي
واخويا ... وأمي
وبلدي وناسها
وانزل .. اشارك
بلدي .... فرحها
وانده ...... خالي
وام ...... عيالي
واقول ... موالي
يسري ف روحها
لما ....... نشارك
بلدي ..... فرحها
يالا ........ ياعم
حسين ...... نتلم
ونرمي .... الهم
نداوي .. جراحها
لما ..... نشارك
بلدي .... فرحها
خلي ...... الرمه
عديم ...... الذمه
يشوف ... الهمه
تزين .. مطرحها
لما ...... نشارك
بلدي .... فرحها
مصر ...... فتوه
حضن ..... وقوه
جيشها ... مروه
وصاحي سلاحها
لما ...... نشارك
بلدي .... فرحها
الناس .. بنزولها
تخلي .. عازولها
يعيش معزولها
ويحلى ...صباحها
لما ...... نشارك
بلدي .... فرحها
يعلى ... صياحها
عشان .. نسمعها
نقوم ...ونساعها
تمد ...... وسعها
لما ....... نشارك
بلدي ..... فرحها
لما ....... نشارك
بلدي ...... فرحها
( الروح مسافرة )
ذكرياتنا جوا منا معلمه
بنداديها ونلاقيها مصممه
تفتح جروحنا ونداريها
ونلاقيها جوا روحنا مسلمه
ساكنه فينا ........ بإقتدار
والقدر جاي ..... بإختبار
كنت تايه في ..... المدار
كنت منزوع ...... الإراده
مابين بلاده ........ وانهيار
حتى روح الروح مسافره
غصب عني مني نافره
والمشاعر واعره .. كافره
شاربه زيي الكاس مرار
ومدارنا دايره .... محكمه
وقبل إصدار ...... القرار
إسمع ياقاضي .. المحكمه
وأحكم بعدل ..... ومرحمه
وخلي حكمك ..... ملحمه
الحكايه ........... باختصار
قلبي كان مليان عمار
لكن عقول صابها العمي
داست على نبته الخضار
أصبح ................. حطام
أصبح ................. دمار
نايم في صدري ... بالوما
بيعدي عمري ....... إنما
عايش شعور ... الإحتضار
( القليله تكفي لمه )
........................
كان زمان العلم ..... نور
والمعلم كان ........ وقور
والبيوت كانت....... أصيله
كات تربى ..... ع الفضيله
كنا نسعى ف حضن عيله
والقليله تكفي ........ لمه
خيرها طارح ألف ... همه
كات دافعنا عشان نصول
كنا نجري ..... ع الفصول
كات منافسه .... بالأصول
والجزم كانت ..... بلاستك
والأمانه كات ...... رسول
والذمم دلوقت ...... أستيك
والدروس في زمانا غول
والمدرس قام ..... يأستك
من عرقنا لو ....... نموت
في الدروس أصبح طاغوت
والضمير تعظيم سكوت
والجيوب عايشه الكفاف
هم مايل ....... ع الكتاف
والعفاف قوت ... الغلابه
قام يغني ...... ع الربابه
لما شاف سرب الديابه
على صوت ..... البنكنوت
( باقيه الجراح )
وصف الأطبا .... دجل
باقيه الجراح ...... بتئن
في عنيها قالوا العمل
يشفي اللي راكبه جن
فكتبت شعر ....وغزل
فى عنيها لاجل تحن
معاها روحي البريئه
دايبه في .... تكوينها
وظنوني قايده حريقه
م الغيره ...... وجنونها
فقصدت شيخ الطريقه
لا جلن ....... يفهمها
وبنيت جسور الامل
ل عنيها قلبي بيحن
وصف الأطبا ..... دجل
باقيه الجراح ..... بتئن
في عنيها قالوا العمل
يشفي اللي راكبه جن
ف كتبت شعر وغزل
في عنيها لاجل تحن
وفردت روحي .. جناح
وطرت في .... سماها
أترجى في .... الأفراح
تسكن في .... نجواها
وعشت انا ..... سواح
بالصبر ....... والآآآهه
وكتبت شعر وغزل
في عنيها لاجل تحن
.... ( زق العتمه ) ....
إمشي ف حمى ربك
متخافش ...... م العتمه
وافتح بيبان .......قلبك
الدنيا مش ....... دايمه
لو قليل .......... حظك
ربك خلقنا ...... بحكمه
دوس على ...... حزنك
هاتهون مع .. الضحكه
خلي الشراع ..... قلبك
لو دنيتك ....... ماسكه
ماتقولش إيه ..... ذنبك
والرحله ليه ...... سكه
رزقك ومكتوب .... لك
والعمر على ...... تكه
لو فين ..... هايندهلك
بس القلوب ..... شكه
إرضى بقضا ......ربك
تفتح بيبان .......سكه
إمشي عدل .....دربك
تلقى الحياه ..... فكه
إفرد خيوط شمسك
وزق العتمه م السكه
( العالم محتاج لضمير )
______________
العالم دايس ع الروح
سهانا وعبانا جروح
بيغمي عنينا وبيعتم
مش عايز يرحم ويسلم
وشايفنا واحنا بنتألم
ولا نقدر ننده ونبوح
والقلب الطيب بينوح
العالم محتاج .... فنان
يرسم فارس ... بحصان
ف إيديه السيف مسلول
مايخافش من المسئول
ينده ويصحي ... عقول
لبست م الخوف عبيان
مغزوله من ... الأحزان
العالم محتاج .... لفتوه
نبوته الناشف ... قوه
يحمي الناس الحرافيش
ويكون لجناحهم ريش
الخوف يرحل مايجيش
ويحوش ب إيديه النوه
عاشق للخير ومروه
العالم محتاج .... أسطى
يدبح شياطين الواسطه
والعدل يعلى ... الصوت
يبدر بإيديه ..... القوت
ف يطرح شجر التوت
ناكل من خيره ونتغطى
العالم محتاج أسطى
العالم محتاج ........ لضمير
محتاج حبة ........... تغيير
ويقيم للعدل ......... ثوابت
هايلاقي قلوب الناس تابت
وتعم الضحكه وشوش شابت
ونطير في السما زي الطير
العالم محتاج ......... لضمير
( معاني السلام )
.......................
على نهج ثومه
هقولك ياشادي
لأنك ودادي
وفيك امتدادي
وعمري الطويل
هاعود ودانك
غناها الحميل
وابدر في قلبك
هواها العليل
فايسرح في روحك
ف تمشي بأدب
وتشعر معايا
وتكتب أدب
وتنسى العوازل
والذوق اللي نازل
ورقص المهازل
في زمن العجب
وتنزل منازل
كبار الأدب
وعنك أذود
ويوصل وتينك
بحبل الجدود
وتعمل مداوي
وتحكي الحكاوي
وتكتب غناوي
تعدي الحدود
ويجري في وريدك
نسيم الوئام
وتزرع في جيلك
معاني السلام
وتبقى الدليل
وتهدي الحياري
وتدي الإشاره
لرد الجميل
لثومه اللي سابت
حنانها ف حناني
وداوت كياني
بصوتها اللي راوي
الغيطان سلسبيل
بصوتها اللي راوي
الغيطان سلسبيل
( الندا ممنوع )
الجهل داء ، والضلمه ويل
والليل براح العميانيين
والنور دليل بس الجراح
طارحه آهات التعبانيين
والحلم كامش في الصدور
قال الودع ،
قلب الجدع موجوع
نفسه ينده ع الفرح
بس الندا ممنوع
( بلد الفصيح )
أنا صيتي في الخلق سمع
كلامي واضح صريح
يسمعني أبو القلب يدمع
شاعر وفلاح فصيح
كتبت الشعر بأصوله
بدون تجريح
الكلمه عندي مدد
للشر .... ماتهواش
من قلب خط العمد
بلد الفصيح بطاش
وبعد منها التمد
كمل لحد طماي
من بين حواري البلد
والمصطبه والشاي
الشعر مني اتولد
غني الرباب والناي
شربته زي الدوا
وسط الغدا وعشاي
على نهج ست الكل
كتبت ورد وفل
والكلمه ليها أصول
إن ناوي تصول
أو كنت ناوي تجول
عطرها بالإحساس
وإكتبها بالمعدول
وافتح قلوب الناس
وادخلها بالمعقول
....................
( إسم الله عليه )
.......................
إسم الله عليه
وعلى ..... حواليه
بس ضحك لي
فجأه ...... لقتني
بادوب في عنيه
اسم الله عليه
أول ....... مره
أشوفه .... بيحبي
ورجله ..... بتدبي
جرى ...... الدم
ف روحي وعمري
ودقة ....... قلبي
تسمى ..... عليه
اسم الله عليه
لما ....... يغيب
بيداعب ... وجدي
واحلم ..... خده
ينام على خدي
واحلم ..... برضه
بلمس ..... إيديه
اسم الله عليه
إمتى ... هايمشي
يداعب ... رمشي
ويسكن نن العين
مايغيبشي
وافرح ..... بيه
اسم الله عليه
دانا .... مستني
باغني ... ف حده
لفرحة .. عمري
وحيلي .. يشده
لما ....... ينادي
يقول لي ياجدو
وارد ...... عليه
اسم الله عليه
اسم الله عليه
...................
