معارضات .. لرائعة المبدع .. أ.. درويش السيد

معارضتى لشاعر الارض درويش السبد 
والملهم .. عادل عبد الموجود
.........
المبدع الشاعر .. درويش السيد

صفا وانتباه
جند الالاه
اياك فى يوم تحنى الجباه
مرر شعاع البصر
من فتحه الشيز ع العدو
علم ولادك يبتدوا
درس الحروق
خطوتك معتاده شوق
الليل يبات يصبح شروق
والندا ع البرج حر
كتفا سلاح
ياوطن لون الصباح
قول للعدو للخلف در
تعيينى مر
 ........................................
الشاعر .. عادل عبد الموجود

صفا وانتباه
للعشق فى اجمل بهاه
للصدق لما يبقى واضح على الجباه
واللى مامرة تنكسر اوتتنحنى
الا المولى فى علاه
عين البصيرة فى الحياة
بتزيد حيا فى عيون بتعزل اى جفن يغطى شوفها ليل نهار
علم ولادك يمسكوا فى ايدهم امل
يبعد حروق الهم من دمى إللى فار
لا ينسى تار
ولا يرضى الا بعز طرحة كل ام يكون قرار
الخطوة تعتاد الرجولة وقت مايواجه عداه
وتمحى دمعة أم بتسيل على الشهيد
ويكون عنيد
فيواجه الموت باقتدار
........................................
معوض حلمي شاعر عامية


صفا وانتباه
الليل  دعاه
واصل  لآخر  الكون  مداه
ماتقوم  بقى  وعلي  الندا
واملى  العدا  بالخوف
الله  أكبر
صرخه  جوا  قلوبنا  تكبر
نهدم  الساتر  ونعبر
مستني  يندهني   الآدان
وأنا  قلبي  صاحي  ع الزناد
واهب  حياتي  للجهاد
قول  للعدو  هاتعود  مهان
أنا  عودي  زان

أنا  عودي  زان
...............................
معوض حلمي شاعر عامية
منشأة بطاش
تمي الأمديد
دقهلية