شطين .. بقلمي الفلاح الفصيح .. معوض حلمي

سباعية غنائية

............  شطين   ...........

....................................

شطي  وشطك  ليه شطين
شطك   غايب  عني  سنين
شطي  بينادي عليك بحنين
وصل  شطي  بشطك تاني
وافرح بيك  وتروح أحزاني

نفسي أشوفك بالي يروق
ياللي  وصوفك خفه وذوق
وتعبيني    مشاعر   شوق
ألقى  الريح لعنيك شيلاني
وأفرح  بيك وتروح  أحزاني

وانسى  معاك تباريح  الآآه
واعشق  كل   اللي  بتهواه
واجري  وراك   لمشاء  الله
علشان تملى النبض معاني
وافرح  بيك  وتروح أحزاني

واحضن  قلبي  لأنه شاريك
فاتح      بابه      ومستنيك
واقفل  رمش  عيوني عليك
واروي  زهورك من تحناني
وافرح  بيك وتروح  أحزاني

عارف   ليه    متغير  حالك
لسه   كلامهم  شاغل  بالك
إوعي  تصدق   يوم  عزالك
مش  عايزينك  يوم  تهواني
وافرح  بيك وتروح  أحزاني

لما   تخبط    يوم   ع الباب
لما   نكون   ولفين   أحباب
يومها   هاناخد    بالأسباب
اوفي الندر وتيجي عشاني
وافرح  بيك  وتروح أحزاني

وأقطف  ورد  عشان اهديك
واسرج روحي شموع تهديك
واوهب  عيني  دليل لعينيك
واسكن  قلبك  يبقى  أماني
وافرح بيك  وتروح  أحزاني
.....................................
بقلمي الفلاح الفصيح
معوض حلمي
منشأة بطاش
تمي الأمديد
دقهلية