مسامحك .. بقلمي الفلاح الفصيح .. معوض حلمي

أغنية موثقة
من ديوان .. إفرد النيه ..

.............   مسامحك  ............

..........................................

باغفر  صدودك واقول لك مسامحك

لسه   الأماني    اللي   فيا   عمار
لسه    الأغاني     العفيه     إنبهار
مد  الإيدين   دا  العيون  مشتاقين
تشوف  السنين  اللي  جايه  خضار

واغفر صدودك واقول لك مسامحك

برغم  اللي صابني ببعدك مسامحك
دايب  فؤادي وشوقي اللي لامحك
زايد    ودادي    وجايلك    بغيرتي
عاشق لصورتي أشوفها ف ملامحك

واغفر صدودك واقول لك مسامحك

واسيب  قلبي  يسرح  ويرجع امير
يداوي  اللي   يجرح   يسامح  كتير
يبني  الجسور  اللي  توصل  مابينا
نسرح   في   جنه    حبايب    نطير

واغفر صدودك واقول لك مسامحك

ونزرع    ورودنا     فتطرح    حنان
وتضحك  خدودنا  وننسى اللي  كان
ونفتح    بيبان    القلوب     العصيه
وننسى   الأسيه   ويحلى   الزمان

واغفر صدودك واقول لك مسامحك

ونسهر  فتصحى  الطيور ع الشجر
وتحلى   الليالي    ويحلى   السهر
واشوفك   قبالي    وإداري   عليك
واغير من عينيك لو يشوفها  القمر
.........................................
بقلمي الفلاح الفصيح
معوض حلمي
منشأة بطاش
تمي الأمديد
دقهلية