مسامحك .. بقلمي الفلاح الفصيح .. معوض حلمي

.............   مسامحك  ............

..........................................

بحبك    باحبك    وإداري   إنفعالي
واسامحك برغم  الصدود  والتعالي

لسه   الأماني    اللي   فيا   عمار
لسه    الأغاني     العفيه     إنبهار
مد  الإيدين   دا   العيون  مشتاقين
تشوف  السنين  اللي  جايه  خضار

بحبك    باحبك    وإداري   إنفعالي
واسامحك برغم  الصدود  والتعالي

برغم   التمادي   وبعدك  مسامحك
دايب  فؤادي وشوقي اللي لامحك
زايد    ودادي    وجايلك    بغيرتي
عاشق لصورتي أشوفها ف ملامحك

بحبك    باحبك    وإداري   إنفعالي
واسامحك  برغم  الصدود والتعالي

واسيب  قلبي  يسرح  ويفرح يطير
يداوي  اللي   يجرح   يسامح  كتير
يبني  الجسور  اللي  توصل  مابينا
نسرح   في   جنه    أميره   وأمير

بحبك    باحبك    وإداري   إنفعالي
واسامحك برغم  الصدود  والتعالي

ونزرع    ورودنا     فتطرح    حنان
ونفرح  شويه   وننسى  اللي  كان
ونفتح    بيبان    القلوب     العصيه
وننسى   الأسيه   ويحلى   الزمان

بحبك    باحبك    وإداري   إنفعالي
واسامحك برغم  الصدود  والتعالي

ونسهر  فتصحى  الطيور ع الشجر
وتحلى   الليالي    ويحلى   السهر
واشوفك   قبالي    وإداري   عليك
واغير من عينيك لو يشوفها  القمر

بحبك    باحبك    وإداري   إنفعالي
واسامحك برغم  الصدود  والتعالي
.........................................
بقلمي الفلاح الفصيح
معوض حلمي
منشأة بطاش
تمي الأمديد
دقهلية